鄭衍峰（Leonard）擔任娛樂主播4年多，採訪過不少大型的活動和影展，口才了得。近日他獲邀為《識貨》擔任主持，終於「成就解鎖」與鄭裕玲（Do姐）合作。「馮盈盈緋聞男友」的稱號對Leonard而言是福也是禍，獲得更多人認識他的同時，工作上力爭代表作，不負加拿大家人對他的無條件支持。
主持《#後生仔傾吓偈》勁冧大隻主播 馮盈盈怕見光死︰想慢慢睇清楚先【下一頁】
Leonard加入無綫已經4年多，除了為娛樂新聞台擔任主播之外，亦有參與節目《港產旅行團》、《流行都市》和《#後生仔傾吓偈》，不過多年來最「入屋」的莫過於是「馮盈盈緋聞男友」這個稱號。Leonard因在《#後生仔傾吓偈》中與她而傳出緋聞；對男方而言是福也是禍，他說︰「上年有好多唔同嘅新聞，多咗人認識係開心，有時又諗，啲人係了解我工作定係其他呢？有少少矛盾，直至拍《港產旅行團》，有位導演同我講，人哋認識你，就係你發力嘅時候。」
的確，Leonard工作4年以來，無論是對工作的投入和對自己身型的管理，努力毋庸置疑，但似未被觀眾「看見」，他說：「身邊好多同行會覺得好沮喪，不過我正面少少，會搵嘢學同調整自己心態，學完總會有一日有用。之前我參加彭秀慧開嘅戲劇班，裝備好自己，乜嘢都袋住先。彭秀慧教我嘅唔止係演技，而係點樣專注做好一件事。」他印象最深刻是其中一場戲要鬧爆太太畀綠帽佢戴的情景，彭秀慧認為他不夠火，他說：「佢一直叫我嬲啲爆佢，我平時做主持需要斯文，但演戲真係唔可以，要去到好盡，所以睇到自己呢方面嘅不足。」
過往在《愛回家之開心速遞》多次客串的經驗，沒想到戲劇班之後，就獲得一個有名字的角色，Leonard獲林肯監製邀請演出《青春不要臉》，「戲份唔多，係演一個姑爺仔，有場戲仲要抽女仔水，好彩本身同對方戴祖儀都熟，唔使顧忌太多。」
傳馮盈盈鄭衍峰吵大鑊驚動高層 堅拒認愛致分手︰學習孤單生活【下一頁】
29歲的Leonard在《流行都市》教大家健身操，健碩的他曾是「肥仔」一名，他笑言：「當時係肥到……肥到阿媽先認得！我有兩段時間減過肥，第一次係14歲，由180磅減到140磅，後來入大學開始拍拖，放縱自己又肥番，170磅，直至21歲接觸健身，先留意番飲食習慣。」Leonard勤力健身，認為保持好的身型是工作的一部分，所以工作完成仍然捱夜去健身，「壓力大到一直不能夠放鬆心情」，某程度上源自強迫個性。
對工作的執著，Leonard認為跟家人有關，由成長地加拿大獨自來港發展，當時父母百分百的支持，「屋企係小康之家，唔係報道所講嘅富二代，幸運嘅係屋企暫時唔需要我有咁大負擔，但作為男生，父母都會有退休一日，呢個責任自己始終孭。4、5年前有機會嚟香港發展，某程度上我覺得有少少自私，但佢哋好鼓勵我，所以如果我輕易放棄返去做朝九晚五嘅工作，會對唔住佢哋當年嘅支持。咁嘅想法成為推動力，我要努力做好，做出成績畀父母睇。」
Leonard近日獲邀為《識貨》擔任主持，與鄭裕玲、孔德賢做拍檔，成就解鎖，「收到通知時第一個反應係『點呀……又拍《大整蠱》……』因為同之前《大整蠱》同一個監製，甚至入監製房傾嘢嗰刻，我都第一時間睇吓有無cam。」Do姐早前接受訪問時雖謂第一次合作，但大讚他表現非常好，笑言「小鮮肉嘛，我最鍾意」。
Leonard跟Do姐合作，難免會心情緊張，他會否如農夫、艾粒一樣被Do姐「奚落」？他表示︰「係Do姐畀機會我跟佢學嘢，事前其實都緊張咗成個月，不斷上網做功課，睇吓關於直播帶貨嘅文化、知識等等。我有睇好多Do姐同農夫、艾粒合作嘅節目，但越睇就越覺得唔可以學艾粒、農夫。希望自己喺壓力下成長，表現可以放啲。講真，一定唔夠膽好似農夫咁窒Do姐，佢有畀好大自由度我哋度諗吓講咩，希望慢慢磨合出火花。」同時笑言自己以往主持節目時，拍檔都笑他「爛gag王」，「希望今次靠爛gag可以博取Do姐一笑！」
服裝：Cerruti 1881
鞋履：Bally
髮型：Jay Cheung @ HAiR Salon
化妝：Kyo Lee
場地：Forest Studio 森居
同場加映：曾被童顏拖累│譚偉權熱愛戲劇苦無成績愧對家人太太 「爭取名利係想同自己有個交代」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
攝影：羅灝駿
責任編輯：楊安莉