拍古裝劇勁流汗 周嘉洛當免費減肥

周嘉洛和阮政峰昨日到藍田出席「足球同樂日」，宣揚睇波不賭波的信息。嘉洛透露自己喜歡打籃球多過踢足球，又謂近日忙於拍攝古裝喜劇《痞子殿下》，所以開工已是最大的運動量。嘉洛稱︰「依家每日開工好開心、好充實，由朝拍到晚，不知時日過，係好難忘嘅經歷同體驗，而且每日排汗量好大，唔使錢都可以減肥。（夠時間休息？）公司好照顧我，絕對有多過一、兩個鐘嘅休息時間。」至於喜歡打羽毛球的阮政峰，透露已報名參加無綫《明星運動會》，他說︰「唔知參唔參加到，但都操練住先，希望對手唔好係王浩信，因為佢好勁。我由中學打波開始都係『二奶命』，希望今次比賽能夠攞第三，但遇到浩信一定輸。」

採訪︰倪小珊

攝影︰林良明