【聲明】港生活網站並無進行電話推廣活動

演出陳木勝遺作 甄子丹謝霆鋒見導演凳爆喊

發佈時間: 2021/06/15

甄子丹與謝霆鋒前晚現身上海,出席已故導演陳木勝的遺作《怒火》發布會,兩位男主角子丹及霆鋒繼06年電影《龍虎門》後再合作,霆鋒興奮說︰「丹哥係我偶像,喺《龍虎門》佢演我哥哥,唔係對手,所以我好渴望被佢打!」二人在《怒火》中角色對立,霆鋒笑言願望實現了一半︰「因為丹哥好遷就演員,雖然係打,但喺掂到我之前嘅一秒佢就收手!」子丹聞言說︰「霆鋒每次都話要用力打,但佢唔可以受傷,如果唔係我哋就無戲拍。」

子丹更回憶陳木勝在患鼻咽癌後的最後時光,導演曾向子丹說︰「從來都無試過咁痛,做咗好幾次化療,人瘦咗,食唔落嘢。」不過話題還是沒有離開過《怒火》;幾個月後,導演再致電告訴子丹癌症擴散,子丹說︰「佢成個腦都係電影,從來都無訴苦。」至於霆鋒19歲時已跟陳木勝合作拍《特警新人類》,他視對方為恩師,更願意為對方的電影搵命搏,拍攝高難度動作鏡頭。大合照時,大會將象徵陳木勝的導演凳放中間,子丹及霆鋒見狀忍不住爆喊,拍照時仍感觸得眼紅紅。

演出陳木勝遺作 甄子丹謝霆鋒見導演凳爆喊

甄子丹在台上感觸拭淚。