Mean Talk丨鍾培生性慾強曾連續性交兩小時 恐嚇林作「縮沙」誓追8位數違約金

由林盛斌（Bob）、江美儀主持的無綫全新綜藝節目《Mean Talk》，昨晚（14日）在J2首播，首集嘉賓是將於九月進行「百萬拳賽」的鍾培生與林作。面對是非多多兼牙尖嘴利的嘉賓，江美儀絕冇手軟，先後拋出「你哋加埋幾廿歲，因乜事咁小學雞？」、「佢乖仔到咪成日鬧阿媽囉，夾埋條女（裕美）成日話阿媽囉」、「點解林作你咁鍾意撩是鬥非呢？」等尖銳問題。

{{hket:inline-image name="002.png"}}{{/hket:inline-image}}

鍾培生預告分Bonus

阿Bob則直指林作最近小動作多多，似有「縮沙」退賽之嫌，鍾培生聞言即「警告」林作：「我同我自己講，今年真係唔想打官司，真係賠死你，（你退賽）我真係告爆你，八位數字都未必夠賠！」林作鎮定回應：「因為我媽唔識教仔，佢覺得揼錢落個仔度就可以保護佢。佢身邊啲豬朋狗友，麥玲玲又話『我算到你個仔今次會出事』……我好貪佢（鍾）嗰一百萬嘅，我想食兩家茶禮啫。」鍾培生即反寸林作：「啱喇！收完阿媽錢，再收我錢，畀我打鑊金！」鍾培生謂若林作真的出賽，不排除有額外盈餘會分Bonus予對方。

林作出100萬反擊

二人又被追問月入，對此林作坦白表示應有40萬，主持即追問為何月入如此可觀仍要貪圖100萬出賽費時，鍾培生又出招謂：「有我鍾培生畀佢抽水抽半年喎，佢梗係制啦，唔收錢都制啦！」不過鍾培生就拒絕回答月入數目：「以免引起公憤，總之我收入係相當相當可觀。」鍾培生又不斷指林作月入40萬太少，林作最終挑機反擊：「你入嚟我公司做保險，畀一年睇吓你有冇做到我咁喇，鬥唔鬥吖？你搞得贏我，我畀100萬你。」搞笑兼火藥味濃。

鬥爆性事

二人又在節目中大爆醉酒後醜態及性經驗，鍾培生揚言最長一次性經驗長達兩小時，震撼度令現場一度失控，鍾謂：「我可以一分鐘，亦可以兩個鐘；我出名性慾強，我肌肉控制好勁，所有嘢都控制到。（江：即係可以控制到對方嘅高潮？）絕對係，秘訣係呼吸同下盤肌肉要收放自如。呢樣嘢我由細練到大，因為我係完美主義者。」至於林作則自嘲很懶及自私：「我比較冇顧及對方，我滿足唔到伴侶，呢個係根據裕美（林作女友）真實反應（得出結論），佢成日都鬧我。」令在場的裕美極為尷尬。

圖片來源：大會提供

同場加映：港姐首輪面試： 關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】