汪明荃爆家英哥血糖高要戒口

汪明荃（阿姐）昨日到黃埔出席《重生趙飛燕》網絡互動版的首映禮，日前接種了科興疫苗的阿姐，透露打完第一針後沒有任何副作用及不適，不過當時阿姐卻捉實老公羅家英的手，她笑笑口解釋︰「我本身好怕打針同抽血，唔係支針痛。」阿姐又透露本來家英哥會一起接種疫苗，但因為醫生說他血糖高，所以不適宜打針，阿姐表示︰「等佢血糖低啲就會再打番，同佢講咗要戒口，不過佢麻麻地聽話，愈叫佢唔好食嗰啲就愈想食。」

另外，同場還有環星老闆張國林，提到兒子張子丰早前被指力追宅男女神陳瀅，張國林即大爆︰「陳瀅經常同朋友上我公司玩，係一個乖乖女。（係阿仔女朋友？）我問過個仔，佢話唔係，話係攞番啲舊聞炒作，佢無拍拖幾年啦。」

採訪︰倪小珊

攝影︰林良明