《調教你MIRROR》證冇鬧人│姜濤語重心長勸退梅窩私追Fans 喜見12子一條心：係MIRROR里程碑

MIRROR今年4月到梅窩拍攝真人騷節目《調教你MIRROR》，引來大批「私追」Fans到場，結果嚴重影響製作進度。當日傳出姜濤鬧爆Fans，有人對此大為不滿。昨晚（15日）節目播出第7集，可謂還姜濤一個清白，片段中見到他、Lokman及AK溫和地勸導在場Fans離開，並不存在任何辱罵字句；事後不少網民在ViuTV官網留言，大讚姜濤講得啱，處事成熟又有禮貌。

{{hket:inline-image name="06161001.jpg"}}{{/hket:inline-image}}

{{hket:inline-image name="06161012.jpg"}}{{/hket:inline-image}}

調教你MIRROR｜姜濤親口承認私追造成內部矛盾 「一旦攤開嚟講MIRROR就會無」【下一頁】

《調教你MIRROR》昨晚還原「梅窩鬧Fans事件」，鏡頭中見到多名Fans企滿酒吧外圍，不時用手機和相機對準MIRROR。導師梁祖堯（阿祖）表示：「呢班男仔已經第二日困喺酒吧，就算有幾鍾意篤波，喺度篤4個鐘，都開始覺得有啲眼瞓、奄悶。當佢哋知道有好多戶外項目，有可能因為Fans嘅出現而阻礙到拍攝，好多設計好嘅嘢做唔到，甚至乎預視到自己嘅假期將會困住喺呢間酒吧幾日……我同佢哋傾偈嘅時候，佢哋主動話不如出去同佢哋（Fans）講啦！」

{{hket:inline-image name="06161009.jpg"}}{{/hket:inline-image}}

{{hket:inline-image name="06161010.jpg"}}{{/hket:inline-image}}

阿祖同MIRROR講，指導演連同製作組一致認同他們出去勸籲Fans離開。AK話：「一於認真同佢哋去講，分析而家情況。我哋真係需要拍嘢，平時嘅工作有你哋跟住都可能進行，但今次真係唔得，因為製作組想我哋完全卸下MIRROR身分，入到嚟重新學習、重新出發。Fans喺度會令我哋放低唔到呢個包袱。明白Fans想接觸我哋，但將來仲有機會，我哋唔係一世留喺梅窩……完成呢個節目對我哋12個人都有幫助。希望大家可以乖乖，先離去，然後靜待呢個show播放……理性地同佢哋分析，我覺得用呢個方式佢哋會明白。」

MIRROR 4月鬧粉絲事件曝光｜姜濤想Fans識得分場合：將心比心 Anson Lo被指係放料人喊冤【下一頁】

Lokman跟大家走到門外後，由他率先打開話題，「其實件事係咁，你哋（Fans）成日山長水遠，由6點幾等到凌晨點幾，我哋係開心，開心之餘都心痛。節目組安排咗好多話題、活動，就因為大家太熱情，阻礙到我哋拍攝。我哋都想做好個節目，畀大家感受一下我哋係一個乜嘢人。我哋而家有一個要求，希望大家喺今次旅程畀多少少空間我哋同製作組。」

姜濤壓軸說：「首先同大家講聲，辛苦晒！以下一番說話係同支持我嘅Fans講……其實一直以嚟，我好少公開同我嘅Fans講一啲說話，包括私追啲嘢，我一直以嚟都好開心大家陪住我哋……但今次呢個trip，的而且確大家嘅行為令我有少少唔開心。我有責任保護你哋，唔想畀我以外嘅人話、唔希望支持我嘅人被人話，與其之後畀工作人員話，不如我自己講出嚟！因為呢個係我工作一部分，我有責任去拍出一個好睇嘅節目畀大家睇，但我冇諗過大家嘅存在會阻礙我嘅工作……若果私追時跟得太貼嘅話，一來危險，二來影響拍攝，希望有個雙贏局面，大家可以畀少少空間我哋。好希望大家以後能夠成為令我驕傲嘅一份子。我唔阻止大家繼續留喺度，呢個係你哋嘅自由！」12子最後一字排開，齊心手拖手向粉絲鞠躬。

（↓點擊放大睇圖片↓）

姜濤於節目尾聲跟阿祖、Tiger對談，他臉紅紅說：「呢件事好難忘，因為第一次MIRROR以花姐、經理人部門唔在場嘅身分直接去行事。其實係一件幾大嘅事！由出道以嚟，私追事件一路係造成內部矛盾之一。（私追影響得你最多？）係（曾經摷你扔嘅垃圾？）係，我唔肯定嗰啲係咪Fans……有啲人係會故意做啲嘢影響你嘅私生活。」又指今次事件對MIRROR來說是里程碑，更能證明12子一條心。

此外，姜濤被有線新聞台影到他在戶外打波，報道員引用MIRROR歌曲 《IGNITED》的其中歌詞「焫焫焫焫焫焫著」來報道，姜濤也忍不住在IG轉發，看來心情無受節目出街所影響。至於Anson Lo在網上為他的真人騷招募MV女主角，相信又會掀起另一話題。

撰文：梁榮達

同場加映：《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟㗎嘛」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】