【聲明】港生活網站並無進行電話推廣活動

張敬軒為保命陪「遮遮」上烹飪班

發佈時間: 2021/06/17

張敬軒的外傭姐姐(遮遮)出名炮製「另類」早餐,早前更將海參煮成燒燶麵包的模樣。軒仔前晚錄影《勁歌金曲》,自爆為保命仔,決定帶遮遮一起參加烹飪班︰「人哋上婚姻輔導,我哋就上賓主餐飲輔導,但我唔敢畀佢一個人上,佢二次創作能力太強大,為保生命安全,我會同佢一齊上20堂,以煮中餐為主。」

雖然遮遮廚藝麻麻,但軒仔大讚對方歌藝不俗︰「有時係屋企聽到啲口哨聲,以為係靈界,但原來係佢唱歌,佢部電話有個菲律賓唱歌App,有百幾首歌,絕對上得台。(與遮遮上台合唱?)我驚唔合法,諗過開live,但有灰色地帶。」

採訪︰Pauline

張敬軒為保命陪「遮遮」上烹飪班

張敬軒希望遮遮上堂後學好廚藝,讓他可以醫肚。