張敬軒為保命陪「遮遮」上烹飪班

張敬軒的外傭姐姐（遮遮）出名炮製「另類」早餐，早前更將海參煮成燒燶麵包的模樣。軒仔前晚錄影《勁歌金曲》，自爆為保命仔，決定帶遮遮一起參加烹飪班︰「人哋上婚姻輔導，我哋就上賓主餐飲輔導，但我唔敢畀佢一個人上，佢二次創作能力太強大，為保生命安全，我會同佢一齊上20堂，以煮中餐為主。」

雖然遮遮廚藝麻麻，但軒仔大讚對方歌藝不俗︰「有時係屋企聽到啲口哨聲，以為係靈界，但原來係佢唱歌，佢部電話有個菲律賓唱歌App，有百幾首歌，絕對上得台。（與遮遮上台合唱？）我驚唔合法，諗過開live，但有灰色地帶。」

採訪︰Pauline