居住問題｜家人擁10多個唐樓單位 劏逾50間房月賺$20多萬 港男：劏房生意原來真係好好賺

本港居住問題嚴重，不少人被迫租住劏房，因而衍生不少衛生、安全等社會問題。一名港男在網上發帖，指家人擁有10多個單位，更劏出50至60間房出租，每月賺超過20萬元。對此，幫忙管理生意的他不禁直呼：「劏房生意原來真係好好賺！」

該名港男昨日（16日）在網上討論區「連登」以「劏房生意原來真係好好賺」為題發帖，指家人擁有10多個唐樓單位，更劏出50至60間房出租，平均每間劏房的租金為4,000至5,000元，

「本身都知劏房好執，不過冇諗過條數係咁誇，都係近呢1-2年冇做嘢全力幫屋企先知……1個月廿幾萬袋袋平安。」

事主續指，由於是唐樓，因此沒有管理費支出，「最多係1百幾十垃圾費，收返多啲水電費嗰到都夠cover（填補）」；由於租金只收現金，加上有會計幫忙，「冇打釐印，稅又唔使交」，他直言：「呢啲嘢使小小錢畀會計做搞掂啦，有啲錢係要畀人賺。」

對於裝修價格，事主坦言因收樓後要「大改」水電位的關係而頗貴，「對上一次收間樓嚟大執係5年前左右，好似用咗40萬，1劏5；若果是一個800呎的單位，他們會劏10多個50呎的房間，設2個公用廁所，每間房會以2,500至3,500元出租，

「一定係有咁細劏咁細最快回本。」

事主又指，他們偶然會遇上租霸，「但係使少少錢搵人同佢傾吓偈，多數1個月內會走」；而且租霸數量不多，所以並非大問題。他又提到，現時他們正等待收購，準備移民至英國，因他們在當地亦有物業，

「早10年8年試過舊區重建收購，一個單位收過千萬……唔收都搵緊買家，要走了。」

對於經營劏房生意是否有道德問題，事主認為只是供求問題，沒有不妥，「搞清楚係房求人，定人求房先啦」，又表示「香港低下層人口太好壓」，「hunt or being hunted（獵食或被獵食），資本主義社會係咁，你唔落場玩怪得邊個？香港地係咁，一係你食人，一係畀人食。」至於會否做成安全問題，例如發生火警等，事主表示：「出街都驚（被）花盆揼死，過馬路又驚畀車車死，做咩都有風險，富貴險中求，無危何來機？」

網民：幫忙解決部分人住居需求 VS 食「人血饅頭」

此事引來網民熱議，有人認同事主，認為劏房確實是社會中的必需品，「冇劏房大把人要瞓街」，劏房在某程度上解決了部分人的住居需求。不過，亦有不少網民質疑事主與其家人根本是在吃「人血饅頭」，有份剝削草根階層：

（↓點擊圖片放大↓）  

同場加映：

疫下OT至凌晨12時犧牲親子時間 社工港媽感激家人作最強後盾

{{hket:ul-video id="3159"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：李凱晴