囡囡代父還擊黑粉 林盛斌落淚：仔女覺得我係英雄

林盛斌（Bob）育有三女一子，平日嘻皮笑臉的Bob，日前接受吳若希（Jinny）的YouTube頻道訪問時，談到女兒為了他在網上留言反駁黑粉，Bob竟忍不住留下男兒淚，坦言當網民認為自己是垃圾時，仔女仍會努力捍衛自己，令他大受感動。

林盛斌平日熱衷在社交網跟網民互動，即使有人留言取笑，甚至人身攻擊，他照樣會正面回應對方。不過Bob透露曾有haters到他女兒的社交平台留言攻擊，但女兒的反應令他大為感動：「個女同我講『有啲人留言，話你爸爸好樣衰，你會唔會想嘔』。」他指囡囡大方回應說︰「我唔知你有幾靚仔，喺我心目中，我爸爸係最靚仔。」

Bob大讚女兒非常生性，他亦教導女兒不用刪除留言或封鎖對方，不妨坦蕩蕩跟對方交流。他向Jinny透露二女曾回覆網民說「唔認同爸爸係垃圾，覺得爸爸係英雄」，令他在鏡頭前激動落淚：「當有人覺得你係垃圾嘅時候，但原來仔女覺得你係英雄…好多人唔明白我哋面對一啲壓力，有啲留言我唔在意，但原來仔女會守護我。」他擔心自己的幕前工作會影響子女：「我喺電視台扮鬼扮馬，會唔會令仔女覺得爸爸係廢柴、肉酸呢？但佢哋原來會以爸爸為榮！」

Bob嫂曾流產

另外，提到Bob是圈中出名的多仔公，他直言當初從未打算追男丁：「生細仔（林道申）之前，太太曾經有一胎流產，我哋為胎兒辦超渡儀式時，我同自己講『如果將來胎兒再嚟，想做我孩子，我哋一家都好歡迎』，無諗到太太流產兩個月後就傳嚟（懷孕）好消息。」Bob非常感恩家中有四個孩子，同時他發現即使不獲全世界認同，家人永遠都是真正欣賞和支持自己的粉絲。

撰文：Iris

美術：梁政敏