【聲明】港生活網站並無進行電話推廣活動

Happy Father's Day 阮兆祥代餅印父親圓夢

發佈時間: 2021/06/18

父親在家庭中擔當非常重要的角色,是家庭支柱。父親節將至,阮兆祥、何遠東及蔣家旻分享了與父親的相處點滴,當中有傷感、開心及搞笑,而父親在大家心目中又是一位怎樣的人呢?

阮兆祥17歲時,爸爸急病離世,他和姐姐侍母至孝,一切都以媽媽為先,祥仔表示︰「爸爸走嘅時候是年初五早上,只得49歲,好年輕,而我就17歲。當日清晨,爸爸突然感到心口痛,唞唔到氣,我哋即刻同佢做心外壓,又打電話叫救護車,雖然救護車好快到,但都搶救無效,成件事好突然,後尾先知道爸爸係血管閉塞。」爸爸猝逝後,成為家中唯一男丁的祥仔,便肩負照顧家庭的責任︰「我要變得強壯啲去照顧屋企,多咗份責任。」

祥仔憶述早年在活動上,巧遇亡父的一位舊同事︰「佢話我知,我當年參加新秀入咗決賽,爸爸同啲同事講,話為我感到驕傲、為我感到光榮,而呢啲說話,爸爸從來無同我講過,亦從來無讚過我。同埋,爸爸有個夢想就係做幕前,佢好鍾意鑽研粵曲,又好鍾意表演,但當年因為想要有份穩定收入照顧家庭,所以就放棄咗夢想,去咗考警察。」

那次從爸爸舊同事口中得悉父親為自己感到光榮,令祥仔決心做好演藝事業,完成爸爸未完的心願。

祥仔表示︰「『子欲養而親不在』呢句說話,我真係感受至深,爸爸生前去過最遠嘅地方係澳門,好可惜爸爸走咗,唔可以去再遠嘅地方,人生就係充滿遺憾,所以我將呢份孝心全部放喺媽咪身上,希望爸爸能夠放心。我依家嘅成就,係爸爸保佑,雖然佢唔喺我身邊,但佢都會睇到,有時我都會對住爸爸張相同佢傾偈,好似互相溝通咁。」

撰文︰Pat、Pauline

美術︰梁政敏

Happy Father's Day 阮兆祥代餅印父親圓夢

阮父在祥仔17歲時急病離世。(受訪者提供)

Happy Father's Day 阮兆祥代餅印父親圓夢

祥仔早前生日,特別感謝父母把他帶來這個世界。(IG圖片)