《造美人》︳OK姐芷橋10強止步冇得留低 OK姐寸嘴講感受：仲問嚟做乜

ViuTV另類選美比賽《造美人》，12強經過3星期特訓及大改造變靚後，4位低分數參賽者為Miko、Jonie、OK姐及芷橋，昨晚有2名參賽者遭到淘汰，一如所料「平民組」的OK姐、芷僑「冇得留低」被foul出局！而「幸存者」Miko激動得爆喊，反而「集集喊包」芷橋強忍淚水表示︰「比賽過程中……比賽中搵到自信，唔想再望住不堪嘅自己……唔會再整容，想向前望。」

{{hket:inline-image name="04.jpg"}}{{/hket:inline-image}}

「低分集團」芷橋、Jonie、OK姐與Miko。（電視截圖）

{{hket:inline-image name="05.jpg"}}{{/hket:inline-image}}

芷橋早有心理準備被foul。（電視截圖）

{{hket:inline-image name="02.jpg"}}{{/hket:inline-image}}

Hea爆的OK姐被淘汰亦是意料中事。（電視截圖）

《造美人》︳參賽者微調打針整容鏡頭大公開 AB放題式變臉 Miko痛到喊照打 【下一頁】

從表現上看，OK姐被out是意料中事，但hea味太濃未盡全力，她自辯：「知道係真人騷……我畀時間自己逐步逐步嚟，唔會強迫自己，方法、決心同目標……我冇咁進取，曾經努力過咪算囉！」專業團隊提供令她變靚的方法，OK姐卻嫌棄兼藉口多多，「我唔跟餐單？我唔想逼得自己咁緊，做完運動好辛苦，返去食三碗杯麵就抵銷晒努力……可能我進度太慢（做運動）你哋feel唔到（我嘅努力）……所以你哋咪淘汰我囉！」

問到OK姐「咁你幾時先做（運動）？」她寸嘴答：「你哋都foul咗我咯，仲問嚟做乜嘢啫？正如我考試唔合格，我話冇溫書，你再問我點解唔合格，呢條問題好似有啲多餘囉！咪就係你哋唔等我，foul咗我囉……」節目組人員聽罷「歪理」，都晦晦氣氣話「唔問啦，唔同你拗啦」，OK姐心生不憤說：「你foul我係啱，然後你問我點解咁慢? 我點答你呀？」關關難過，最難過嗰關，叫網民呀！網民對OK姐的「偉論」，反應好壞參半，撐她的會話「佢清楚自己想要乜嘢，係同個節目唔夾啫」；亦有人鬧爆她「所有人都幫佢，仲要免費（療程），但係佢完完全全不懂感恩，不會珍惜這次難能可貴嘅機會。」

OK姐懶理負評，在自己的IG發文，「感性的千字文出爐，謝謝台前幕後對我包容、照顧、體諒，容我有難忘的經歷，有難得機會畀我有緣認識咁多朋友，再次衷心感謝各位，見證我的小小變化。」有網民替她不值，認為她應爭取多點出鏡機會，OK姐相當老實表示︰「我只係想R（𢲷）專業團嘅技術幫我咋！」幾位戰友Ann、Stella、Sami和Ice亦有留言，笑她所謂「千字文」其實只得幾行字，「呃我，人與人之間嘅信任呢？」OK姐神回︰「我風格。」

至於剩下來的10強在進行另一次特訓前，先來一場「以bra衝突」，由內衣顧問品評一下她們可有「戴錯bra」；Semi、Miko、Ann及Stella私伙bra展示人前，後者「肉胸」獲一致裁定「事業有成」，嚟緊環節要多留意Stella嘅表現嘞！

撰文：衛紫敏

同場加映：港姐第二輪面試｜ 裕美認奴隸為林作媽媽陪契女 「星二代」關楓馨VS.麥翠嫻愛女

{{hket:ul-video id="3243"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

湯怡懷胎8月即將卸貨生B 拍大肚寫真與老公麥秋成跳三人舞 【下一頁】