調教你MIRROR│Lokman唔享受做隊長爆喊呻迷失 網民投訴剪接零碎：天一半地一半

ViuTV真人騷《調教你MIRROR》至今已播出9集，每集經理人黃慧君（花姐）會向導師梁祖堯（阿祖），指出MIRROR成員的缺點，並講出希望他幫忙「調教」的一位成員。由於每集時間只有半小時，有網民睇完昨晚有關隊長Lokman的一集後，在ViuTV官網留言投訴，認為節目剪輯得太差，剪接令一眾成員的講話「天一半地一半」，很難了解他們真正的想法；有人更發起一人一留言行動，希望能打動ViuTV在網上播出節目完整版本。

{{hket:inline-image name="06181009.jpg"}}{{/hket:inline-image}}

{{hket:inline-image name="06181018.jpg"}}{{/hket:inline-image}}

《調教你MIRROR》證冇鬧人│姜濤語重心長勸退梅窩私追Fans 喜見12子一條心：係MIRROR里程碑【下一頁】

礙於節目播放時長有限的關係，製作組只能將最精彩的片段，剪輯出來給觀眾欣賞，惜令節目內容呈現得頗為零碎。昨晚《調教你MIRROR》第9集以MIRROR隊長Lokman為主題，一開始花姐指Lokman由一個好有火的隊長，變成一個完全想放棄做隊長的人，「Lokman係我最放心的男仔，12個男仔當中我最放心嘅一個，我畀問題佢而我唔會幫佢去解決。後尾佢唔開心，開始同我有少少爭執，覺得我點解成日唔理佢，只係照顧佢哋（其他成員）。喺我心目中一直係佢照顧我哋；我嗰吓先記得，原來佢需要人照顧……佢有心事要一齊分享、分擔。佢覺得做隊長有好多嘢唔做得，又要做偶像派又做隊長，keep住一定要好靚仔、好正經，其實佢係唔開心嘅！」

{{hket:inline-image name="06181012.jpg"}}{{/hket:inline-image}}

{{hket:inline-image name="06181011.jpg"}}{{/hket:inline-image}}

製作組之後插播Lokman的訪問，他表示：「可能我好大壓力，唔能夠好好享受（隊長）呢個身分，令到我冇咗好多感覺，唔識得從中搵啲開心嘢去滿足。呢個camp最好就係不停要你思考。」花姐則表示：「我開始唔擺咁重嘅位喺隊長要做啲咩，好多嘢我決定（變返）同同事去做，搲爛塊臉去搵好多拍戲機會畀佢，無論機會大小，希望佢可以嘗試到。佢同我講自己以前係一個好火爆嘅壞人，傷害到朋友；後來重新反省，變成而家嘅佢。但係我覺得而家嘅佢，唔係開心嘅佢。」

調教你MIRROR｜姜濤親口承認私追造成內部矛盾 「一旦攤開嚟講MIRROR就會無」【下一頁】

節目至此，一直圍繞著Lokman的環節突然轉到去調教Alton，又將焦點放在MIRROR試鏡等。試鏡環節中姜濤、Anson Lo、Lokman及Tiger輪流跟鍾雪瑩演出後，導演黃修平最後選中Lokman，並頒發「最佳演繹獎」。不過當完成這個環節，鏡頭又切換回Lokman跟阿祖單對單的深情對話。Lokman十分感觸，邊喊邊講：「最近有個幾深嘅感受，我自己睇番《狂舞派3》嘅時候，有啲掛住以前嘅自己，因為鏡頭入面嗰個（自己）好熟悉，但又好陌生，好奇怪……（除下眼鏡抹眼淚）。我好掛住以前嗰度無拘無束嘅力……但係唔知點解自己會將佢收埋咗，掉低咗……就係咩都唔理，唔理人感受嗰種自由奔放囉，嗰種力就係推我自己向前行嗰度力！」阿祖最後安慰Lokman是個開心隊長，並送上鼓勵的抱抱，這集節目到此亦完結。

（↓點擊放大睇圖片↓）

對於節目組的剪輯，網民認為此集表達不到Lokman的真正想法，紛紛到ViuTV官網留言，「Lokman應該講咗好多嘢，點解咁大嘥剪走晒？咁樣出啲唔出啲仲難了解佢哋，好似有口難言咁。 咁怕真話出街，不如唔好播，有啲失望。」、「剪接奇差，播映片段完全表達唔到Lokman既（嘅）想法，更加睇唔到祖堯點樣開解佢，Viu真係要檢討吓。」、「日日睇4、5個字已經太短時間，睇完其實真係唔知睇咗d（啲）乜。集中少少得唔得，未做之前好期待睇，但真實比預期差好多，剪1、2句就當調教咗，究竟做咗d（啲）乜。其實如果絕大部分出唔到街真係無所謂，但做個節目出黎（嚟），又講到天一半地一半，失望。」、「真係要檢討下d（啲）剪接，尋（噚）日呢集好難focus……唔好因為後製浪費左（咗）咁好既（嘅）題材。」

亦有網民留言希望ViuTV能播放足本版節目，「一人一留言要ViuTV網上放返（番）個完整版出黎（嚟）。」、「希望ViuTV聽到民意，會係網上播足本版啦。」此外，在今晚（18日）第10集的預告中，見一班鏡仔在室內激動擁抱，更見到Jer、AK、Ian及Frankie等人爆喊，看似成員們放低芥蒂，被喚起團隊應有的團結精神。原來是阿祖安排一系列自我認知課堂，讓他們重新認識彼此，並給予對方一個久違的擁抱，當中AK向Jer說了一句Sorry，皆因二人在樂壇頒獎禮有點誤會，即場剖白自己的心結及內心感受，過程中泣不成聲。

撰文：梁榮達

同場加映：一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】