黃翊突然宣布「入廠」嚇壞粉絲 喉嚨生水囊生活習慣出事

現年53歲嘅歌手黃翊1986年加入樂壇，不過當時樂壇競爭大，際遇不似預期，星途平平。2017年，黃翊迎嚟佢歌唱事業嘅高峰，獲無綫電視邀請於《流行經典50強》內再次獻唱首本名曲《最愛的妳》。節目播出後引起廣泛關注，且備受網民讚賞和支持，佢表示復出唱歌係為咗向兒子證明自己曾經係歌手。一個月後，他又於《流行經典50年》裡獻唱當年同樣深受歡迎的歌曲《黃昏戀人》、《哭著笑》及《一世濃情》，觀眾反應熱烈，人氣好似比1991時更強。

黃翊之後亦多次開演唱會，仲經常開Live以歌會友，儲落唔少粉絲，昨日（17日）佢喺社交平台上載一張相，手上插住靜脈注射嘅針口，留言指自己「入廠」黃翊開始時冇說明原因，令粉絲非常憂心。今日黃翊回覆傳媒表示自己並無大礙：「最近2個月喉嚨唔舒服，好似唔係好識好，入院做檢查，睇咗耳鼻口專科醫生，喉嚨有個水囊，好彩報告出咗唔係咩大件事，但係喉嚨唔舒服，可能係因為有少少胃酸倒流情況，我自己都唔係好覺，而家要留醫，飲食習慣要有少少改變，冇辦法，年紀大喇，要聽聽話話。」

今日下午1時許，黃翊已出院，隨後在網上發文報平安：「三日兩夜嘅醫院之旅已經順利完成，醫生話喉嚨需多休息，冇乜大毛病但小毛病就...一於今日開始改變生活習慣，個個都要精神『翊翊』喔！」

粉絲咁大反應不無道理，因為黃翊呢幾年都忙得好交關，大家都擔心佢積勞成疾。黃翊同佢太太陳存正相守超過廿年，2017年陳存正因輕微感冒以致腎病復發，需要每晚洗腎十個鐘，仲因服食西藥和類固醇而出現水腫，最嚴重去到160幾磅，其身體亦難以自行排毒，毒素指數超過一千。雖然近年已換咗腎，但都仲係好差，一個禮拜要洗腎3次，黃翊除咗照顧太太，仲要兼顧歌唱事業同飲食生意，真係曉飛都搞唔掂！希望佢可以好好休息，早日康復啦！

同場加映： 一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}