愛回家│尋寶圖Anita消失多月網友急尋 梁茵：未知道幾時可以過番去

《愛回家之開心速遞》演員人數眾多，不過每個角色的個性或者形象突出，令觀眾留下深刻印象。《愛》劇的粉絲們追劇情肉緊之餘亦非常利眼，總是留意到部分演員戲份多寡，而近日大家討論較多的除了飾演「細龍太」雷珍妮的陳偉琪之外，大家都發現久久未見Anita的蹤影。陳偉琪早前已經承認跟無綫的合約正式完結，不排除在其他平台跟大家見面，不過現時她投入賣火腿生意，希望多方面發展。

《愛回家》George勇者上身拯救拜金Anita 林子超演言少取代離職導演Justin【下一頁】

{{hket:inline-image name="23599b0e-5261-4343-a368-0ccc19427233.jpg"}}{{/hket:inline-image}}

至於飾演Anita的梁茵已經有幾個月時間沒有在《愛回家》劇情出現，特別是她去年年底才跟妹妹Venus（鄺潔楹飾）正式相認，成為人見人憎的拜金姊妹花，再加上她靚女背後的「麻甩」性格，完全是顛覆大家視覺感受。去年10月，劇情交代Anita跟George（張明偉飾）由鬥氣冤家，慢慢經歷很多風雨後，發展成曖昧的一對，不少觀眾都期待兩人下一步會否成為劇集的熒幕CP。

沒想到Anita已經一段時間沒有再露面，網友們都議論紛紛，有人懷疑她因牽涉第三者的桃色關係而被雪藏，亦有人擔心她是跟「細龍太」一樣滿約離巢，加上梁茵已經有一段時間IG沒有拍攝《愛》劇的花絮新相，實在令人大感疑惑。

《愛回家》Venus同Anita終相認拜金姊妹 「呢條伏線足足800幾集」【下一頁】

梁茵接受《晴報》電話訪問，她表示：「我去咗綜藝組拍攝J2《野外步出2》，難得有呢一次嘅機會，我都想嘗試吓唔同嘅崗位，七月中會完成拍攝，播映時間暫時等公司安排。我暫時未知道綜藝嗰邊需唔需要繼續拍攝，因為今年公司好着重綜藝組嘅發展，如果返咗處境劇，就未必可以去綜藝組拍攝，兩者必有取捨，作為藝人應該要作多方面嘗試，所以都係等公司安排。」

梁茵表示挑戰綜藝節目拍攝，令她獲益良多，她說：「好緊貼年輕人嘅文化，而家潮流好興打卡影相，我喺呢段時間都搵咗好多特色嘅Coffee Shop，亦都去親身體驗過，提供咗唔同嘅拍攝熱點畀劇組，希望新一輯嘅《野外步出2》可以海陸空元素都有，做到動靜皆宜！我亦都因為要拍攝《野外步出2》，我有段時間經常行夜山，鍛煉體格，有時夜晚都會去跑步，注重健康。」至於完成綜藝拍攝之後，會否重拾「Anita」的身分，她說：「其實我係請咗假喺綜藝組幫手，咁所以未知道幾時可以過番去，一切都要睇觀眾嘅反應，做主持、做嘉賓、做演員，每個崗位都有唔同嘅得着，趁住後生嘗試唔同嘅崗位。」

責任編輯：楊安莉