乜乜棠水舖｜歐錦棠拍電影驚見「人頭」嚇餐飽 台前幕後見證靈異事：畢生難忘

歐錦棠（阿棠）在YouTube開設個人頻道「乜乜棠水舖」，分享自己親身經歷。前晚（17日）推出新一集的「影視靈異系列」，分享當年同杜汶澤、黎思嘉及李潤褀等拍攝實驗電影《1959某日某》（1999年上映）時遇到的靈異事件。阿棠在娛樂圈聽過很多靈異事件，亦有不少親身經歷，他認為大家可以抱「信則有不信則無」的態度，兩者亦不存在任何衝突。他又表示自己以前有靈異體質，「我只講一樣嘢，唔知道好彩定唔好彩，我係見到嘅，由細見到大；直到我決志信耶穌嗰日，之後我再冇見過，完全斷絕晒，好開心，唔使再見！」

{{hket:inline-image name="06182109.jpg"}}{{/hket:inline-image}}

{{hket:inline-image name="194453136_4177809408948863_8417173766885946115_n.jpg"}}{{/hket:inline-image}}

十萬噸情緣︱歐錦棠憶當年拍劇曾有自殺念頭 「個個以為拍呢套劇一定好歎」【下一頁】

阿棠於1996年自資拍攝《1959某日某》，題材是有關18歲的李小龍去美國之前一日發生的事，歐錦棠太太萬斯敏及葉問的兒子葉準也有參與其中，而事發地點是深水埗一間現已拆卸的懷舊冰室。他指冰室晚上10點關門後就借給他們拍戲，第二朝6點前就要交場，而其中一場戲要杜汶澤一輪咀講大半版的對白，「咁我又衰，當時臨場先至畀（對白）佢，因為一路拍一路改。我記得佢NG咗7次，去到第8個take就ok。」阿棠記得當時是電視台某導演幫手做副導演，他叫對方睇到任何問題就嗌停，因為自己亦要出鏡，「當我去睇最後一個take，睇到一半，我就『喂，咁仲話得，唔得啦呢個take！』，個個都覺得好奇怪，我問『邊個入咗鏡？』，副導演跟住話『冇呀，阿棠，我睇住個ｍon（熒幕）。』，後面燈光師又話冇喎，我就火都嚟，叫佢哋埋去自己睇playback（重放）。」

結果攝影師第一個去睇playback，睇完無出聲就行開；之後再輪到副導演、燈光師及杜汶澤等演員上前睇，眾人表情皆有點古怪，阿棠說：「我又自己再望多次，個畫面係見到大家做緊戲，見到一個頭嘅後尾枕，打橫喺右邊伸咗入嚟……係一個屬於短頭髮嘅頭，但點會有人咁樣突個頭出嚟。個個都好驚，十幾人開工，個個睇一次都睇到，但係拍緊嘅時候就睇唔到。我就做咗一樣好衰嘅嘢，咁啱畫面旁邊坐咗個收音師，我就『老屈』佢：『你啦，一定係你啦！』，話佢唔小心伸咗個頭入去又唔覺，佢用眼神鬧我『屈』佢，但大家知要做埋呢場戲；我話得啦，唔緊要啦，我哋再拍過第9 take啦！」阿棠指大家當時知道發生甚麼事，不過他要搵個落台階，等大家快手快腳拍完離開這間冰室。

「歐錦棠包辦監製及主演 ViuTV熱血新劇《打天下》 場場埋身肉搏 更與文頌嫻再續18年後的情緣」【下一頁】

阿棠稱最怪異的是回到製作中心複製母帶時，大家再看一次第8個take的版本，竟然找不到有人入鏡的畫面，「點解會咁樣？係我經歷過其中一件最稀奇嘅事，亦都係咁多人集體一齊見證嘅事。完全解釋唔到，亦都冇追究、冇問過嗰間冰室以前發生過咩事，因為始終喺一個舊區，一座好舊嘅建築。拍戲成日會遇到呢啲事，真係完全冇辦法用常理去解釋一個集體見證，一個有靈異嘅物件出現嘅現象。」

（↓點擊放大睇圖片↓）

歐錦棠之後在網上留言：「今集繼續係影視靈異系列呀！話說《1959某日某》就係當年我自己自資嘅一套實驗電影，就連係（喺）自己嘅作品入面都無可避免，仲要同所有工作人員同演員一齊見到，真係畢身（生）難忘！」

撰文：梁榮達

同場加映：一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】