御用有錢人︳黃子雄初拍床上最驚有生理反應 不婚原因：唔覺得需要養另一半

52歲TVB「御用有錢人」黃子雄，在處境劇《愛回家之開心速遞》中演CEO「查生」，有錢佬形象入型入格。日前他接受網上頻道Yahoo TV訪問，重提2018年在《再創世紀》中扮演首富之子「Paul少」，酒色財氣，其中一幕3P場面令人印象深刻；他回憶該二世祖角色精盡人亡、露股的一幕，「導演冇清場就拍嘞！同我講『子雄除（褲）得喇』，就咁就拍嘞……」自爆呢幕「曬股惑」事後有做「手腳」，「因為我成日去游水，曬黑咗，一除褲就兩截色，導演仲以為我著住條褲，佢話會幫我（後期製作）調番啱啲顏色。」

{{hket:inline-image name="32.jpg"}}{{/hket:inline-image}}

黃子雄被封為「御用有錢人」相信冇人反對。（網上截圖）

{{hket:inline-image name="44.jpg"}}{{/hket:inline-image}}

黃子雄2018年在《再創世紀》演有錢人、二世祖。（網上截圖）

愛回家｜朱凌凌首度開腔親認不雅片主角 被嘲尺寸 吳偉豪：冇乜放喺心 【下一頁】

黃子雄毫不介意，再爆在ATV拍床戲的舊史，「嗰次第一次拍床戲，其實係冇嘢……基本上係喺床上面有個女伴，大家鍚一下咁啫！但我嗰時好緊張，著條泳褲再加條波褲喺出面……因為喺現場要顧好多嘢，怕遮到光啦，又驚遮住對手個樣……又要郁、又要就位，所以完全唔會亂諗嘢，事實係根本唔會有反應（生理）。就算之後2018年演Paul少，同樣要顧住鏡頭、就位，根本興奮唔到！」

另一次是2017年《乘勝追擊》和梁麗翹「車震」，事前二人有溝通，「覺得可以去盡啲！」，齣劇播出後，他不少朋友的反應是「乜而家電視尺度咁大嘅」，因為有noise而令他越來越夠膽去演。

{{hket:inline-image name="39.jpg"}}{{/hket:inline-image}}

黃子雄奉行不婚論，最怕要養港女。（網上截圖）

52歲之齡仍未婚，除了因為黃子雄生於單親家庭，亦因見盡身邊很多朋友離婚收場，稱未遇上一個令他想結婚的人，亦有自我反省，「我喺香港比較難搵到一個心儀對象……好多女仔都認為男人要有事業、有樓有車，要養得起佢先得，但我唔覺得男人需要養另一半；我想搵個伴，佢都有自己事業，好獨立嘅，咁大家先可以一齊成長！所以我應該去外國搵個外國人，佢哋嘅思想同我似啲。」

撰文：衛紫敏

同場加演：港姐第二輪面試｜ 裕美認奴隸為林作媽媽陪契女 「星二代」關楓馨vs 麥翠嫻愛女

{{hket:ul-video id="3243"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《造美人》︳OK姐芷橋10強止步冇得留低 OK姐寸嘴講感受：仲問嚟做乜嘢 【下一頁】