胡楓（修哥）昨晚以89歲之齡在紅館舉行《胡楓約你開心派對2021》演唱會，再次打破他自己保持的個人記錄，成為紅館最大年紀開騷的歌手。開場時，修哥以森巴熱情音樂揭開序幕，發揮「舞王修」的強勁舞技唱跳《情花開》，精靈活潑，活力十足，令觀眾拍爛手掌。
當晚，修哥邀請到很多嘉賓撐場，除了薛家燕、羅蘭、陳潔靈、林子祥和Supper Moment輪流上台與修哥合唱之外，修哥還準備了多個驚喜。修哥在《愛回家之開心速遞》中飾演「綠菜村村長」一角，今次特別邀請到同劇演員呂慧儀、林淑敏、許家傑、鄭世豪、張景淳、蘇韻姿、吳偉豪、陳浚霆和葉蒨文擔任嘉賓，他們大唱劇集主題曲《開心速遞》和《舊歡如夢》兩首歌，並感激「綠村長」令他們可以圓夢踏上紅館舞台，並高呼「山頂嘅朋友你哋好！」，非常興奮。林淑敏說：「我記得啱啱入行嘅時候見到修哥，佢同我講『我喺電視機見過你，你要加油，雖然睇你個樣唔會即刻紅，但係你會撈到飯食』，多謝修哥，如果唔係你我都唔會咁堅持。」
（↓點擊圖片放大↓）
《愛回家之開心速遞》︳胡楓89歲生日於《愛回家》片場慶生 湯盈盈送上禮物認錯賠罪？【下一頁】
修哥感言說：「一個人最重要有知己良朋，豬朋好友都要有幾個。」後來，他與曾江、Joe Junior合唱，令節目《四個小生去旅行》重聚，獨欠謝賢（四哥）。早前修哥綵排時已經隔空呼喚四哥現身，沒想到後來在舞台上驚喜現身的是曾扮演過謝賢的梁家輝，家輝穿上四哥的招牌皮褸、白褲加黑超登場，他扮埋四哥的聲線說：「我生勾勾仲企喺度！仲好講，個個叫你做舞王修，我坐咗成晚都冇見你跳過半首，等我示範下，話你知咩叫舞王！」沒想到年紀最輕的梁家輝一邊跳舞一邊落樓梯時，一度跣腳，幸好沒生意外，他笑言緊張到對腳「震過貓王」，真正佩服「舞王修」的魅力。梁家輝扮「謝賢」扮到出神入化，更大膽將「四個小生」動粗一事再公開重提，「你哋係勁，台上打完交又一齊唱歌，我今次唔會錯過呀喇！Joe，你都戴眼鏡要小心！」後來，家輝回復「正經」，他說：「呢個娛樂圈入面，有你哋先有我哋，祝阿修你年年喺紅館，歲歲開Party！」
（↓點擊圖片放大↓）
契仔張學友賀壽 │胡楓89歲大壽搞網上生日會慶祝 修哥飲水畫面足見情深感動網友【下一頁】
適逢父親節，修哥的兩位孫女帶同四位曾孫上台合唱《世上只有》，更特別網上連線身處英國和溫哥華的其他孫仔孫女，一齊隔空大合唱，場面溫馨，相信修哥呢個父親節一定甜到漏。修哥笑言：「呢兩粒孫好孝順我，不過另外四粒（曾孫）就係我孝順佢哋。」而修哥見到老友甄珍在香港，特別為她加插唱一曲《一簾幽夢》，並隔空飛吻答謝對方。
席上，除了甄珍包到冚捧場之外，觀眾席上都星光熠熠，如姚子羚、李浩林、方國珊、丘凱敏、盧海鵬、麥景婷、李琳琳、陳淑芬、連炎輝、余安安、顧紀筠、李寶安、曾江、焦姣、鄧英敏、孫敬安、蔡一傑、梅小惠、梅小青、劉家豪、梁家樹夫婦、廖安麗、陳敏兒、賈思樂等圈中人都有支持修哥，非常熱鬧。
同場加映：愛回家│吳偉豪首次開腔親認拍不雅片 龔燁熊若水婚事會有阻滯？
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉