Mean Talk︱江美儀重提失婚崩潰眼淚決堤 豹哥心痛老友齊齊喊:驚你頂唔順

江美儀於2018年宣布與吳君如胞弟吳君祥分手兩年，後被踢爆原來一直瞞婚，二人早於2006年在美國西雅圖秘密註冊，「分手」實質係搞離婚。江美儀和林盛斌（Bob）主持的無綫（TVB）J2節目《Mean Talk》最近請來「豹哥」單立文同滕麗名擔任嘉賓，《Mean Talk》本來以「攻陷」嘉賓為目標，點知今次美儀失守，反被老友豹哥「攻陷」。

{{hket:inline-image name="IePbB_Tf7zHj-5vkzoVvRrs8DxSSfSGsytc0fMrXNHw.jpg"}}{{/hket:inline-image}}

豹哥捉住江美儀隻手，皺着眉頭講到眼濕濕：「我哋真係好關心你，但又唔敢去騷擾你，驚會觸動你好多情緒，但又驚你頂唔順，我覺得你自己承受好多嘢，唔會同我哋講。我覺得你點解咁傻，孭起咁多嘢呢？同我哋講吖嘛！又唔係唔熟！你知唔知啫？」另一嘉賓滕麗名亦有拍膊安慰。

（↓點擊放大睇圖片↓）

江美儀首度喺鏡頭哭訴：「我冇嘢㗎喇而家……我都唔知可以同邊個講吖嘛……有時兩個人相處，去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開仲好啲喎，所以最後就分開。其實你哋知嗰時已經好後，呢件事已經發生咗好耐，最近我經理人同我講，我係一個唔識自己放鬆嘅人，樣樣嘢都自己吞晒。」美儀又指自己疫情期間工作量大減，留家獨處時常諗唔開，幸好依家有工作，令佢有個寄託。

唔少人都大讚豹哥有義氣，睇到好感動，豹哥豪言：「做朋友要互相扶持，唔通落井下石咩。」豹哥就發誓事前冇計劃喺節目中「攻陷」老友，美儀都話相信老友係當刻出自真心，話佢冇咁好演技，而阿滕都恥笑豹哥轉數冇咁快，三人感情非常好。

同場加映： 愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}