開心大綜藝│袁偉豪霉足兩年情緒差唔想見人 再自抽：有人以為我結婚唔使做

袁偉豪、王浩信、黎諾懿、黃智雯等一眾《刑偵日記》演員，昨晚現身節目《開心大綜藝》為劇集宣傳，接受林盛斌（Bob）和江美儀主持的《Mean Talk》環節訪問，他們輪流抽籤作答高難度的尖銳問題；問到王浩信「拍呢齣劇遇到最『大細超』嘅待遇係？」，他表示有一位姓氏英文是W字頭的男藝人，最愛跟女演員聊天開玩笑，但每次自己主動上前傾劇本時卻被敷衍對待。

珍藏開箱│袁偉豪被老婆套密碼Check手機 驚見女仔相 即阻張寶兒公開【下一頁】

{{hket:inline-image name="sign4.jpg"}}{{/hket:inline-image}}

至於袁偉豪抽中的一條問題是「劇中邊位你『最唔想再合作』？」他直接了當選了黃智雯並解釋：「佢唔乞人憎，戲都好好，對同事都好好，同佢合作都唔錯，但早兩年同佢拎咗嗰啲乜嘢雙料視帝視后（新加坡、馬來西亞頒獎禮）之後，嘩！唔得，呢兩年冇嘢做，環境好差！（你娶咗個好老婆喎！）其實個個都以為我結咗婚唔使做嘛！」江美儀、Bob大感認同，袁偉豪才否認，「我唔做，咁我坐喺度做乜嘢？真係同你Mean Talk咩？」

事後他接受訪問，袁偉豪說：「開玩笑，梗係搵個唔會嬲嘅人講啦！」他直認近兩年工作量的確減少，只拍過一個半個廣告，今非昔比。「我有時都唔係好想見人。（人群恐懼症？）有啲啦，做得呢行情緒起伏都好常見。我太太（張寶兒）好好，同佢傾偈幫咗我好多。」提到太太出身富貴之家，早前她父母沽出物業，勁賺3700萬；日前寶兒更豪言睇樓是「親子活動」，目標是做包租婆，袁偉豪說：「佢真係每日花時間睇電話，留意吓啲投資，佢有呢方面嘅天分，反而我興趣不大，大家互補不足囉！」

四十不惑︱袁偉豪有樓有車「人生勝利組」 不枉打拼十年事業家庭現「春天」【下一頁】

同場「駙馬」何止袁偉豪一人？當主持人追問黃智雯「劇中片酬最高係邊個？」她稱該是不在場惠英紅，再深思熟慮下說「片酬喺佢哋高度中反映」；在座之中，王浩信、「五億駙馬」黎諾懿身高分別186cm、182cm，後者連忙否認：「咪住先，片酬高喎！唔係身家厚喎！」主持人指他態度嚚張，黎諾懿補充，「我講緊事實咋喎！」

同場加映：一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉