Mean Talk│余德丞一場大病被標籤為孱弱書生 連番失工作機會 寧執二攤都搲劇拍

31歲的余德丞（Dickson）憑英俊外表及陽光形象，入行不久就機會多多，拍劇、拍旅遊節目等忙個不停，不過2018年與朋友踢波時突發性心律不正昏迷送院，當時心臟一度停頓險喪命，幸好最終Dickson走出鬼門關，終於康復過來，不過康復初期要遵從醫生吩咐，減少劇烈運動。一向好動熱愛運動的Dickson心裡大受打擊，但亦明白大家為他的健康安全著想。昨晚播出的《Mean Talk》中，Dickson重提自己身上的標籤「#飛魚王子、#死過翻生 和 #心臟病發」時，已經激動強調自己並非心臟病，只是心律不正。

余德丞昏迷一周年再踏球場 忘記瀕死傷痛與最愛「重逢」【下一頁】

{{hket:inline-image name="tak2.jpg"}}{{/hket:inline-image}}

{{hket:inline-image name="654_600.jpg"}}{{/hket:inline-image}}

主持人林盛斌（Bob）和江美儀問到Dickson的身體情況，他表示：「真係好番晒！身體係我自己，得我感覺得到，但大家都抱有懷疑嘅態度。」失去很多工作機會？「有，聽講過好多，大家都擔心我身體情況，可能有監製想搵我拍劇或者綜藝節目，都因為身體問題而推，幾挫敗，講起都想喊。（執番條命？）執番條命係緊要，我亦好感恩，但我都要生活呀！」他向場外的高層示意後，坦白一切，Dickson說：「出事之後，公司唔再畀我拍旅遊節目，因為唔想負擔個保險賠償金。2017年同蔡思貝拍咗個去緬甸嘅旅遊節目，反應都幾好。後來安排去南非拍攝第二輯，公司就話唔得，唔畀我去。」

【如果這樣生活】余德丞心律不正幾乎猝死 為保命被迫放棄運動流下男兒淚【下一頁】

Dickson稱醫生已經證實他是適合去旅行和工作，但就算他講一百萬次，都不會再獲得機會。「醫生話我出事嘅機會率係同其他人一模一樣，我唔明點解我要被標籤，咁樣好唔公平。」Bob指Dickson獲機會與丁子朗一齊接拍《青春不要臉》，總算機會慢慢開始回來，Dickson直言視這次為最後機會，問到為何是最後機會？他一度語塞，眼神尷尬，未知是否暗示合約快滿，他說：「呢個係爭取咗好耐好耐嘅機會嚟呀，本身唔係我演，陰差陽錯，最後求咗好多次，最終高層同監製肯畀我試，所以真係好感恩。」而身旁的丁子朗表示Dickson真的很用心去演戲，有時只是拍攝燈光或化妝問題，讓人誤會他身體虛弱，希望大家對他另眼相看。

同場加映：一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉