聲夢傳奇｜鍾柔美唔妒忌炎明熹反視為榜樣 「全部人都認咗佢係好有實力」

無綫舉辦的歌唱比賽節目《聲夢傳奇》至今已播出10集，林智樂（Felix）在上集因獲最低分而被foul；而即將在今個星期六播出的一集中，出賽的陣容有姚焯菲（Chantel）、炎明熹（Gigi）、鍾柔美（Yumi）、何晉樂（Rock）及黃奕斌（Hugo），當中得分最低之學員將會被淘汰。

Yumi接受《星光路上》訪問時表示在比賽開始時沒有預料到自己會晉身九強，「冇諗過有咁好成績，剩係諗做好表現，有咩可以改善就之後再算。」

{{hket:inline-image name="yumi.png"}}{{/hket:inline-image}}

14歲的Yumi自6歲起開始參加大大小小的歌唱比賽，小小年紀已經身經百戰；每星期更會花最少5小時上唱歌、鋼琴、結他、色士風及跳舞等課程。她說：「參加過嘅比賽超過100個，多到數唔到。一開頭未識唱歌，但好想參加、嘗試吓。喺台上嘅感覺都幾正，之後就開始學唱歌。」

她回想起自己6歲時的參賽經歷，難免會好怯場，「第一個比賽係唱英文歌，嗰度全部都係大人，得我一個小朋友。嗰陣時好驚好怯場，要癡住媽咪，但係一個好好嘅經驗！」

{{hket:inline-image name="178528615_2837536493173376_1428229617445449514_n.jpg"}}{{/hket:inline-image}}

被問及今次《聲夢傳奇》的比賽，屋企人有沒有提醒她報名前要深思熟慮，Yumi表示，「冇喎，係即刻報名。」更表示第一次在台上唱歌十分緊張，「之前比賽都係喺商場，第一次見25位評審，覺得個台非常大。第一次（表演）係震晒，唱歌都失準，唔夠穩定，不過而家適應咗個台。」

Yumi曾跳唱《心急人上》及《跳舞街》，跳得又唱得。她直指跳唱是好大挑戰，亦曾面對不少負評，「面對負評，會聽、會睇、會接受。每個人都有唔同諗法，佢哋都係表達自己意見，阻止唔到……要慢慢磨練，一開始有負面評語時有唔開心，但唔會理咁多。」

（↓點擊放大睇圖片↓）

因今次的比賽，Yumi與Gigi、Chantel同詹天文（Windy）成為了好姊妹；問到她視哪一位為勁敵，「其實個個都係，每一個都有自己強項。（有冇曾經羨慕或妒忌Gigi？）冇呀，因為我哋全部人都認咗佢係好有實力，係好勁，我當佢係好好榜樣去學習。」

{{hket:inline-image name="199503557_482375842841644_6967937342914612519_n.jpg"}}{{/hket:inline-image}}

提到另一個好姊妹Windy被淘汰，Yumi表示當時都感到不開心，但亦非常堅強面對結果，「一入嚟就識到佢，但呢個比賽遲早都要out人。」她又表示現在考完試可以全程投入比賽，亦會對自己十分嚴格。

童星出身的她拍過不少無綫劇集，她指之後如果有機會都想嘗試拍劇，「但當務之急都係讀埋書先。」

（↓點擊放大睇圖片↓）

聲夢傳奇｜14歲Chantel已獲無綫簽5年約 會計師父母栽培讀星級國際學校 【下一頁】

同場加映：愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】