【聲明】港生活網站並無進行電話推廣活動

否認忽然富貴 蔡思貝喊住自爆瞓碌架床

發佈時間: 2021/06/23

由林盛斌(Bob)、江美儀主持的無綫J2節目《MEAN TALK》充滿話題性,昨晚一集由蔡思貝、何雁詩及賴慰玲擔任嘉賓。Bob直指思貝入行近八年,已「累積」15單緋聞,思貝坦言對「姣精」這個稱號不開心:「始終都唔係讚,但我覺得有原因,頭幾年我真係唔太識(避忌),當係跌一下上一課。」

及後美儀追問思貝忽然富貴的傳聞,好姊妹何雁詩及賴慰玲力證思貝靠「慳」才有今日,連Bob亦幫口︰「有次見到佢,嘩!你話晒蔡思貝吖,不如換過架車,佢嗰架車係cheap到拎去劏都未必值三、四千。」思貝爆喊訴冤屈︰「一路以來無論傳媒講乜,我一次都無澄清過,我一路專注工作,無人知道所謂女一,其實係住200呎、瞓碌架床。」另外,三位美女都直認曾被人問價,思貝更即場拿出電話展示收到的問價內容,更透露最高試過被開價200萬!

否認忽然富貴 蔡思貝喊住自爆瞓碌架床

賴慰玲(左)及何雁詩力挺蔡思貝。