拍《識貨》輕鬆冧掂李亞男「爆買」 陳嘉佳︰我幫手食晒啲開心果

無綫前晚播出競技真人騷《識貨》第二集，去年在內地狂做直播帶貨的陳嘉佳（細細粒）在節目中致電逼老友李亞男花5,000元買100罐開心果，其銷售表現獲網民及現場商家激讚。昨晚細細粒接受《晴報》訪問說︰「希望殺入下周五晚直播嘅冠軍戰！」

前晚《識貨》八位參賽藝人即場選出推銷的貨品，並在五分鐘內致電朋友推銷。打頭陣的細細粒推銷開心果，她在鏡頭前致電給李亞男，劈頭第一句便急急說︰「我做緊你老公（王祖藍）個節目，你老公要你買啲嘢！」最終亞男在半推半就下購入100罐開心果。其後，亞男在IG上載大批開心果送到家門的照片，細細粒留言指會幫手「食晒佢」。對於要李亞男「硬食」開心果，細細粒昨日受訪時笑言對方很快清倉︰「亞男要撑老公主理嘅節目，同時佢哋成日叫朋友返屋企開派對，唔使好似平時咁淨係食薯片！」前晚節目結尾時，祖藍即場以5,000元為太太找數，表情無奈。細細粒透露祖藍將會捐更多錢，全因對方在節目中做善事。她又披露稍後將與陳自瑤、黎諾懿及黃頌明等爭奪兩個出綫席位，並於下星期五晚的《識貨》冠軍戰做現場直播。

八月尾北上吸金半年

其實，細細粒的表現比其他對手更勝一籌，全因她在去年長留杭州，並於抖音做直播，成為美食帶貨達人。問及拍《識貨》與抖音直播工作相比，她說︰「《識貨》算係一個綜藝節目，可以練口才，內地呢類主播做一次要做七至八個鐘，賣一件產品要講解15分鐘，所以同我喺內地做嘅係兩回事！（希望祖藍開帶貨節目畀你？）暫時無期，八月中拍完《痞子殿下》，會返杭州繼續做直播帶貨，因為一早同內地好多產品簽咗約。」她直認其直播帶貨團隊正等她回歸「開飯」，因此預計八月北上後，直至明年農曆新年才返港。

撰文︰Steven

美術︰梁政敏