直認遭曾勵珍勸退 何廣沛：我講嘢真係唔得

由林盛斌（Bob）、江美儀主持的節目《Mean Talk》，新一集嘉賓請來何廣沛、郭子豪及方紹聰任嘉賓。三位大男孩本身相當熟絡，言談間不斷互寸，郭子豪更大膽窒美儀，場面搞笑。美儀與Bob即場讀出三子大量負評，更狠批何廣沛說：「把聲真係難聽，（令人）耳朵流產呀！」廣沛坦言最近遭曾勵珍（珍姐）「提點」︰「佢話我講嘢真係唔得，做得好差，不如唔好做呢行啦！嗰刻我終於知道嚴重性。」他更自爆曾在珍姐房間練習英文咬字一小時。

至於郭子豪則被追問當年鬧至滿城風雨的失場事件︰「當時種種原因導致自己裏面亂晒籠，包括屋企問題，當時同前度關係又處理得唔好。總之唔想見人，有情緒問題。我直頭熄咗手機幾日，匿喺屋企。」他又自揭與女友鄧卓殷的肉麻點滴，原來兩年前開始，二人每晚均會開住video call入睡：「瞓住都唔會熄部電話，第二朝瞓醒又見到對方。如果佢仲未醒，我咪開住個call，做住自己嘢先。」Bob和美儀忍不住取笑他們「sweet得嚟好黐綫」。