林嘉欣獲法國授勳：以為係騙案

曾留學法國的林嘉欣，今年已第八年擔任法國五月藝術節大使，她最近獲法國政府授勳為「Chevalier de l' Ordre des Arts et des Lettres」，以表揚她多年來努力宣揚法國藝術，她日前由丈夫袁劍偉及兩個囡囡陪同下，到法國駐港領事官邸出席授勳儀式。

嘉欣笑言去年四月收到授勳通知時，以為被整蠱︰「因為封信係由加拿大政府發出，話我獲法國政府授勳，我睇咗封信好多次，仲問我先生『係咪呃人㗎？疫情仲有呢啲騙案？』後來先知，因為我喺加拿大出世，法國要認證我嘅國籍，所以封信由加拿大寄出。」授勳當日，嘉欣兩個女兒獲安排協助法國領事舉行授勳儀式，嘉欣說：「兩個囡囡負責托住放有勳章嘅枕頭仔行出嚟，我同佢哋喺屋企綵排，仲帶佢哋買新裙仔，因為囡囡好似野人，通山跑，平日着嘅衫穿晒窿，一定要帶佢哋去買衫。」