調教你MIRROR｜Anson Lo額頭被公開勁大反應 孖柳應廷Jeremy化醜妝考心理

ViuTV《調教你MIRROR》昨晚（23日）播出的一集，邀請到星級化妝師Julie，同鏡仔上一堂「心理化妝課」，其實是把眾人臉上的缺點，用化妝技巧放大出來，藉此令他們先接受自己不足。當中Anson Lo表現最爆笑，只要瀏海髮型一被碰到，整個人即時彈起身，表情靦腆，好驚自己的額頭被公開，搞笑話：「侵犯咗私隱呀！」嚷著說片段不要播出街。

{{hket:inline-image name="06241009.jpg"}}{{/hket:inline-image}}

{{hket:inline-image name="06241008.jpg"}}{{/hket:inline-image}}

調教你MIRROR│Lokman唔享受做隊長爆喊呻迷失 網民投訴剪接零碎：天一半地一半【下一頁】

星級化妝師Julie會將他們唔鍾意的地方放大，她說：「因為放大咗之後，會唔會接受到自己？仲要面對人群……當呢樣嘢（意指缺點）更加嚴重嘅時候，可能有一日黑眼圈會更加黑，咁即係唔會出街？咁樣係無可能㗎！所以要大家接受番自己嘅不足。」之後揀了Anson Lo（盧瀚霆）、Jer（柳應廷）及Jeremy（李駿傑），進行化醜妝的心理考驗。

Julie先幫Anson Lo特技化妝，變得臉上生滿鬚根，眾人大讚型仔及提議改all back髮型，Julie聞言真的幫他撥頭髮，令Anson Lo失控大叫，並離開原位走來走去，隊友見狀起哄大笑，Anson Lo竟然叫大家冷靜，「我哋今日搞鬚之嘛……侵犯咗私隱呀！」他坐低之前又要照鏡，先整理好髮型，很怕自己額頭被人看到。

{{hket:inline-image name="06241014.jpg"}}{{/hket:inline-image}}

{{hket:inline-image name="06241006.jpg"}}{{/hket:inline-image}}

《調教你MIRROR》證冇鬧人│姜濤語重心長勸退梅窩私追Fans 喜見12子一條心：係MIRROR里程碑【下一頁】

梁祖堯（阿祖）安撫Anson Lo不要太大反應，更指製作組會將畫面慢鏡重播。一眾隊友還是沒有放過Anson Lo，起哄要他轉髮型，而他亦豁出去將瀏海向後撥，滿足大家的要求。阿祖說：「今次佢肯撥起（頭髮），畀額頭大家睇，係我始料不及嘅震撼。」又讚化了醜妝的Jer，「感覺佢整個人輕鬆不少。」而Jeremy就很享受。阿祖寄語眾人不要忘記初心，這樣的「自己」才是真正的自己。

（↓點擊放大睇圖片↓）

同場Ian（陳卓賢）撃敗Alton（王智德）及姜濤，獲得「幕後投選最大反差大獎」，Ian表示：「好多時我畀人感覺或第一印象，係偏向負面，我亦唔會多加解釋，都係忠於自己，認為大家慢慢了解就知道我唔係咁，多謝今次畀機會我，令所有人了解我，我又了解大家多啲。原來大家同真實嘅我相處咗之後，自己都唔係所講咁難搞，嗰一下好開心！」

此外，有指MIRROR於明年7月紅館開騷，Lokman（楊樂文）及Anson Kong（江𤒹生）昨日出席活動時，表示未收到消息，亦希望大家屆時不用買炒價飛。

撰文：梁榮達

同場加映：黃子華再拍賀歲片《飯戲攻心》 大讚鄧麗欣係香港地道女神

{{hket:ul-video id="3316"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】