Coffee不捨姐姐辭職敞開心扉詳談 親解如何和好復工 被讚係好僱主

林芊妤（Coffee）日前突然在社交平台表示想招聘外傭姐姐，希望網友能夠介紹合適的中介公司，大家都追問為何原有工人姐姐要離開？事關工人姐姐跟Coffee關係一直良好，在後者上載IG的生活短片中，不時見到她跟姐姐的搞笑互動，儼如一家人一樣。Coffee見大家不斷追問，於是昨晚IG直播解釋，更新大家最新的事態發展。

媽媽唔易做｜Coffee放養法被質疑當囝囝「道具」 Lucy媽輕鬆面當囡囡「搖錢樹」指控【下一頁】

{{hket:inline-image name="105973357_1196855293994143_2564929339024633041_n.jpg"}}{{/hket:inline-image}}

工人姐姐在小主人翟德彥（伯伯）放學後，會在Coffee父母家食午飯，Coffee叮囑不要讓兒子看電視、看手機短片，要專心進食，外傭亦聲稱有絕對遵守。不過，有次Coffee巧合回娘家，發現囝囝不斷發脾氣要求食飯時睇電視，她說：「咁我就問姐姐係咪平時有畀佢睇？姐姐都係話冇！後來BB承認姐姐畀佢開電視食飯……我個人好唔鍾意人呃我嘅，點知姐姐有啲情緒，扔匙羹落個兜度，然後話『唔食喇！我哋返去先』。」Coffee直言以往很遷就工人姐姐，心態上知她離鄉別井，只要她好好對待囝囝就足夠了，四年來都給予她很大的自由度，「我問自己係咪仲要忍呢？我問姐姐……點解我請你番嚟仲要受你氣？點解你呃我？食飯真係好小事，唔需要夾埋BB去呃我。當日佢講咗句『如果你覺得我唔識湊BB，咁你搵個第二個工人姐姐啦』！」

沒想到，前兩日姐姐突然遞辭職信，Coffee當下大感驚訝，對方聲稱希望找一份只需要清潔、煮食的工作；Coffee深明現時外傭很搶手，一心以為姐姐已經另謀高就，六神無主的她轉述自己跟姐姐講的說話，「姐姐，我冇覺得你唔識湊BB，否則我唔會咁放心出去做嘢啦！我好多謝你三年幾以來咁照顧BB，我唔係想留你，我從冇質疑過你，只係唔鍾意人呃我。當下你有脾氣扔匙羹，令我唔舒服……」後來經過多次傾談之後，姐姐喊住向Coffee道歉，為自己當日工作態度不當而道歉，指辭職是意氣用事，其實心裡不想離開。

曾接種復必泰丨Coffee小產遭「仇女」網民惡毒攻擊 被落井下石污衊「濫交易流產」【下一頁】

Coffee與外傭和好如初，「我哋冇事喇！唔使再請新姐姐，不過都會繼續面試其他工人姐姐，因為想多請一位減輕佢工作量，唔想佢太辛苦。」外傭姐姐都是普通人有情緒，會疲累，既然姐姐仆心仆命去照顧屋企，應該互相忍讓。不少網友紛紛留言讚Coffee處理得不錯，絕對是一位好傭主，亦有網友搞笑說：「好嘢，可以繼續聽到姐姐的魔性笑聲」、「請兩個工人姐姐仲煩」、「姐姐都唔捨得伯伯啦」、「Coffee你份人好正面」、「其實係姐姐太縱伯伯啫，都係愛錫嘅表現一種」等等。

同場加映：太極樂隊無法想像Gary缺席的舞台 別了摯友學會珍惜相處享受人

{{hket:ul-video id="3348"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉