【聲明】港生活網站並無進行電話推廣活動

陳自瑤配音超班 王浩信狂讚:能力遠超於我

發佈時間: 2021/06/25

王浩信在下周一播放的無綫新劇《刑偵日記》飾演精神病人,獲睇好憑角色第三度贏視帝。提到太太陳自瑤(YoYo)在《好聲好戲》發揮出色配音演技,更終於升呢女一開新劇,浩信罕有大談YoYo,力讚老婆比自己更厲害。

王浩信與姜皓文(黑仔)昨日宣傳新劇《刑偵日記》,劇集早前在內地平台播出,飾演人格解離症患者的浩信,演出獲內地網民大讚,有機會第三度封帝,追平黎耀祥及郭晉安的紀錄。浩信聞言說:「唔敢當,以往演過盲人、搞笑角色,今次扮人格解離,絕對係突破。(衝擊三屆視帝?)我會繼續努力,身為演員要好humble(謙虛)咁講,多謝大家支持。」

提到太太陳自瑤在《好聲好戲》奪冠後,下月升呢做另一新劇女主角,其配音技巧及演技被評有實力爭視后,問浩信會否想過跟太太一齊封視帝后?他大讚YoYo說:「我覺得對佢來講,任何獎項都值得恭喜,今年佢所有作品都表現好好,尤其配音好犀利,多謝觀眾對佢嘅支持。佢配音做得好好,能力遠超於我,我唔夠佢嚟,要請教番佢!」

姜皓文失眠一年

同場的黑仔透露自己在第11集才正式出場,他形容角色非常虐心,皆因他在劇中憶妻成狂:「劇中我見到太太陳煒就會好軟弱,由拍完到到依家一年幾,仲係會失眠,連跑步都跑唔到,開早班好辛苦。但係好難得今次同一班咁有熱誠嘅演員合作,大家去到現場已經準備好狀態。」

採訪:Pauline

攝影:林良明

美術:梁政敏

陳自瑤配音超班 王浩信狂讚:能力遠超於我

陳自瑤在《好聲好戲》的表現非常亮眼。(資料圖片)

陳自瑤配音超班 王浩信狂讚:能力遠超於我

姜皓文在《刑偵日記》中對陳煒痴心一片。