被袁偉豪批「腳頭唔好」 黃智雯：我哋互相踐踏

袁偉豪（Ben）日前在《開心大綜藝》中，批評黃智雯「腳頭唔好」，皆因他們合作後令Ben工作量減少。二人昨日宣傳新劇《刑偵日記》，Ben表示當日只是開玩笑，問他是否要請智雯食飯補數？他笑說：「唔使屈嘅，開工我成日請大家食嘢。」智雯亦澄清彼此無所不談：「我哋互相打鬧、互相踐踏，將對方人格踩到最低，再拉番上去，咁對方會覺得自己好好。」

在新劇中飾演心理醫生的Ben，表示角色幾乎不會與別人交流：「角色成日活喺自己世界，忘我到不得了，成個氣氛都好沉重。」智雯亦指Ben在拍攝期間有種生人勿近的磁場，她又表示劇集拍得像可歌可泣的愛情片：「有內地網民好有心思，將我同王浩信嘅情節砌埋做一條短片，成個MV咁。」

攝影：林良明