啤酒有美容效益

朋友致電我︰「最近瞓得唔好有黑眼圈，今日連眼袋都現形喇，想買你生產嘅眼霜救急啊，喺邊度買呀？」我︰「我都瞓得唔好啊！」她︰「新聞報道指美國西部十幾個州遇熱浪進入緊急狀態喎，我記得你好怕熱㗎！」我︰「所以我熱到幾晚都瞓唔好囉！去過幾間大型電器舖，冷氣機全部賣清光喇！我要靠飲啤酒灌醉自己瞓覺。」她︰「飲啤酒灌醉自己瞓覺？咁都畀你諗到（哈哈大笑）。熱浪侵襲先嚟買冷氣機？加州不時有熱浪、火災同地震發生，你一定要防患未然呀！」

我︰「我最近住喺灣區，過去幾日都有40度高溫啊！之前死亡谷錄得攝氏54度，棕櫚泉達55.56度。」她︰「飲啤酒唔怕有啤酒肚咩？」我︰「飲啤酒會容易發胖，可能是啤酒成分中有苦味的蛇麻hops有刺激食慾的作用。記得佛山圖書館落成，我被邀到圖書館會堂做演講，我所發表的啤酒的美容效用，成為當日佛山電視台新聞報道的頭條。」她︰「你真係好嘢，任何話題都可扯上美容，跟你閒聊總能聊出大學問來。」

我︰「我不喜歡酒精飲料，但習慣飛到外地，最初兩晚會飲一罐啤酒，因啤酒可消除疲勞，令我緊張的精神得以鬆馳，有助入睡；而且受時差困擾容易有便秘，啤酒有潤腸催便的作用。氣候和水質變化好容易皮膚敏感，啤酒成分蛇麻有效預防神經痛、暗瘡和皮膚炎。啤酒的酵母可活躍細胞組織，幫助皮膚修補，令皮膚光滑細緻。日本用啤酒製造護膚品也非新鮮事了。」

她︰「小麥是製造啤酒的成分，都有營養價值。夏天口渴想飲汽水解渴的話，索性飲啤酒更實際。但依家我最需要嘅係眼霜呀！」我︰「銅鑼灣時代廣場、葵芳新都會廣場和沙田新城市廣場仍有小量眼霜現貨，別等到眼袋同皺紋現形先嚟搵眼霜，保養就是延防衰老，未雨綢繆啊！」

（本欄逢周五刊登）