調教你MIRROR｜Stanley出道後未有代表作感迷失 爆喊認好廢：搵唔到自己嘅價值

ViuTV《調教你MIRROR》昨晚（24日）播出的一集，終於輪到「調教」Stanley（邱士縉）。MIRROR被安排回到《全民造星》的面試場地，重演昔日參加比賽時的表演項目。Stanley緊接Frankie（陳瑞輝）之後出場，他直認現時感到迷失，失去了比賽時的自信；當他跟導師梁祖堯（阿祖）真情對話時，在鏡頭前更感觸爆喊，自責連一句歌詞的拍子都不能捉好，認為自己好廢又冇用。

{{hket:inline-image name="06251004.jpg"}}{{/hket:inline-image}}

{{hket:inline-image name="06251001.jpg"}}{{/hket:inline-image}}

調教你MIRROR｜Anson Lo額頭被公開勁大反應 孖柳應廷Jeremy化醜妝考心理【下一頁】

Stanley出場時被要求先介紹自己的性格，他話：「我都迷失緊喎，覺得自己好似冇乜特別。（比賽嘅時候較特別？）都係嘅，可能以前有份自信，而家可能冇乜；反而演戲時有，唔係做自己嗰陣就會多啲（自信）。可能《造星》時覺得自己OK，但好多時望番自己又覺得好唔OK……有時唔夠膽表達心裡面嘅說話，因為驚講錯嘢。」

Stanley之後重唱當年參賽的曲目《愛是懷疑》，又播出MIRROR經理人花姐（黃慧君）對他的評語：「佢覺得好迷惘，拍完台灣套劇返嚟，好似冇繼續有機會，佢又睇唔到自己有咩前途。我明白其實呢行好冇安全感，佢年紀又唔細。係我唔啱嘅，我覺得應付唔到16個人，（MIRROR12人）計埋ERROR四個人，我冇可能將我24小時分晒畀呢16個人，只能特別照顧幾個。Stanley係我認為夠成熟，冇乜大問題唔使點照顧嘅一個，所以就忽視咗佢。」阿祖就認為Stanley自我存在感比較弱，但在自己心目中又不想做弱者，這一點才是最難搞的。

{{hket:inline-image name="06251008.jpg"}}{{/hket:inline-image}}

{{hket:inline-image name="06251007.jpg"}}{{/hket:inline-image}}

Stanley暫時未有自己的單飛歌曲，相反較多劇集和主持工作機會，而他在跟亞太影后張榕容合演的華語劇《第三佈局 塵沙惑》時，就獲影后讚他演技成熟，完全不像新人。Stanley跟阿祖的真情對話時，亦承認想發展成為演員多過做歌手，但期間一度爆喊：「好簡單一隻歌，我被分到（唱）一句句子，唔知點解我練咗兩日都捉唔到拍子。我好嬲自己，我諗自己點解咁差？好似而家我好努力做一件事情，但我……好似咩都唔係，即係冇用。我搵唔到自己嘅價值係咩，唔知自己做緊乜，覺得自己好廢。」Stanley邊擦眼淚邊自責自己連一句歌詞也完成不了；阿祖在旁安慰他，指有時越在意就越做不到，做人亦要學會放鬆。

調教你MIRROR│Lokman唔享受做隊長爆喊呻迷失 網民投訴剪接零碎：天一半地一半【下一頁】

Stanley在節目出街後於IG再作回應：「謝謝大家的DM（訊息），在節目中，有很多情緒都表達得唔好。其實找不到自我價值的原因，是隊友們在自己擅長的領域都有好好的發展。可惜自己還未能在戲劇方面做到有價值帶給MIRROR，所以有時會感到迷惘。我其中一個目標係：行內人都會認為MIRROR有人『識』做戲喎！但我明白，演員需要漫長的時間努力、沉澱、再努力。我會努力的，謝謝大家！」

（↓點擊放大睇圖片↓）

此外，這集安排鏡仔們跟現任香港芭蕾舞學會藝術總監Stephen Xavier學跳舞，當中姜濤被芭蕾舞考起，跟不上眾人動作，又不時張望，希望尋求身邊隊友的幫助。他全程顯得很迷惘，更被阿祖踢爆他特別僵硬，又封他做「僵」濤，老師見狀就直接指導他。姜濤練習踢腳時又不小心踢中身後的Edan，搞到對方要用手保護重要部位！姜濤事後承認自己沒有芭蕾舞的天分，表示很敬佩Stephen對芭蕾舞的熱愛；而Lokman因表現不錯，被選為「最有潛質芭蕾舞蹈員」。

撰文：梁榮達

同場加映：Mirror傳明年紅館開10場演唱會 Lokman同AK點樣答？

{{hket:ul-video id="3352"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】