Mean Talk│崔建邦被重提打女友鄺敏慧事件 「呢個世界上無嘢可以放得低」

崔建邦在昨晚播出的一集《Mean Talk》擔任嘉賓，接受主持人林盛斌（Bob）和江美儀的訪問，他大談自己為「明星運動會」的拳擊比賽中，盡心盡力去訓練一眾藝員同事，接受拳擊比賽的訓練。他大爆原本拳擊比賽是最多人參加，約有十多名藝員參加，沒想到第一次召集只有八位出席，崔建邦說：「全部都話有通告，琴日又唔見話有通告嘅？可能聽到話真打就唔敢啦，後來再繼續搵人。」

TVB明星運動會│崔建邦率先曬拳擊參賽者背肌 吳業坤下戰書單挑謝東閔【下一頁】

{{hket:inline-image name="009.PNG"}}{{/hket:inline-image}}

{{hket:inline-image name="bon2.jpg"}}{{/hket:inline-image}}

{{hket:inline-image name="800_eddeb39c20afcf7d89618e721179666csaasftp20200221.jpg"}}{{/hket:inline-image}}

{{hket:inline-image name="800_e603221bcb77d9274927e4b27d805879saasftp20200221.jpg"}}{{/hket:inline-image}}

Bob指拳擊比賽牽涉「打拳」，主動問到曾經涉打「中巴」混血兒前女友鄺敏慧惹官非的崔建邦會否敏感或尷尬？崔建邦說：「當年上得呢個擂台拍《我的志願》真人騷，已經想話畀大家聽，呢個就係我囉！如果我永遠為一件事要避忌，不去做一啲事，咁我永遠唔可以向前行，所以今次我都唔會有任何顧慮。」問到是否放低事件，亦希望大家將「打=崔建邦」的等號能夠放下？崔建邦說：「我覺得呢個世界上冇嘢可以放得低，發生過嘅事係事實，經歷咗嘅事都係發生過，只有慢慢去繼續向前行。」

江美儀逐一讀出崔建邦過往9段緋聞，當中包括唐詩詠、鄺敏慧、徐淑敏、郭思琳、陳嘉莉、野人（林珊珊細女李怡）、李靖筠、陳雅倫和Jessica，Bob即刻為好友澄清Jessica是現任女友，直呼對方為「阿嫂」。至於九段緋聞的真偽，崔建邦沒有逐一解答，只稱有真有假，對於被冠「溝女王」稱號，他表示：「網友對我嘅睇法係建基於曾經發生過嘅事情，的確我人生發生嘅事情比較多，佢哋有呢個觀感係無可厚非。」問到現任Jessica是否結婚對象，崔建邦竟然「嗯」足15秒都未有答案，在江美儀三催四請之下，他才答：「我希望係！」

（↓點擊圖片放大↓）

天天開運王｜崔建邦霉十年陳定幫批即將扭轉 「人生最強十年」有望抱得美人歸【下一頁】

崔建邦在節目中提到自己當年轉戰幕後的日子，他說：「因為有新聞出，我冇路可以行，但我又好鍾意呢一行，不如轉行做製作，由低嘅劇集PA（助導）做起，第一個跟嘅導演叫方駿釗，當時拍《ATF反恐》（後改名為《叛徒》)，開頭都客客氣氣，做一、兩個月之後真係當你係工作人員，堅砌。」他憶起一次西貢拍外景，天氣很熱但另一組演員未放人，最終他要受場務的粗口對待，他說：「我當時都血氣方剛，諗緊會唔會鬧番佢好呢，但我忍咗，我覺得揀得做呢個崗位，我就要受。」

{{hket:inline-image name="bon1.jpg"}}{{/hket:inline-image}}

他表示由幕前轉做幕後，起初都受到不同的看法，「個個以為拍緊真人騷，以為係整蠱唔信，做三個月之後大家就信，粗口都跟住嚟，做一年PA其實係學做人。以前太覺得自己係一個藝人，成日問幾點收工。」他說幕後收工之後還要返公司放下機器，再準備翌日的流程表和道具，比演員更晚收工。「你會發覺尊重身邊所有工作人員係好重要嘅事，而專業亦係好重要，當時第一次有呢個領悟。起初你以為唔好嘅事，經歷完之後，長遠嚟講會發現係一件好事。」

同場加映：Mirror傳明年紅館開10場演唱會 Lokman同AK點樣答

{{hket:ul-video id="3352"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉