Mean Talk│謝東閔懶理被網友稱為「綠帽俠」 拒與某自信女藝人合作嫌疑人係？

謝東閔（Brian）日前接受《Ｍean Talk》訪問時大爆料，率先回應自己是富二代的傳聞，他表示爸爸做髮型屋生意，而媽媽是開外傭介紹所，只是小康之家，跟富豪還有很大的差距。主持人江美儀踢爆Brian拍劇時件件衫都是名牌，林盛斌（Bob）指他揸跑車出入；Brian承認拍時裝劇都係穿私伙衫，指曾經有胡亂購物的壞習慣，「而家已經有所改變！」而手持千萬物業都是假新聞，他至今未擁有個人物業。

Mean Talk│崔建邦被重提打女友鄺敏慧事件 「呢個世界上無嘢可以放得低」【下一頁】

{{hket:inline-image name="tse1.jpg"}}{{/hket:inline-image}}

Brian稱曾被導演「開大咪」以二十個字粗口問候，行前行後行左行右都不滿意，他覺得自己成為該導演的箭靶，讓他出氣，有一次他忍不住爆發，「我一個重拳打落張枱度！然後話『你再講多次，再講多次我就上嚟打你』！因為我太委屈、太嬲喇！咦？點知佢之後真係唔再講喎！」事後再碰面，是該導演最後一日上班，Brian澄清其離職跟自己無關。江美儀直指該導演正是已離職的Gary張永豪，Gary曾拍《心路GPS》時粗暴對待劉蔚萱，將盛載過田雞的膠袋套落她的頭，大力將她撞埋牆；而Gary隨後拍《愛回家》時，亦用劇本大力打魏焌皓的頭，隨即被勒令停職。佘詩曼、蒙嘉慧初入行時亦曾被Gary大罵，有傳他曾侮辱阿佘，阿佘公開說對方「質素太差」。

對於網友最Mean的評論，Brian直指是被稱為「綠帽俠」一事，「聽到時大家（與朱智賢）都有啲唔舒服，入行生涯入面最Mean嘅嘢……開頭會唔開心，後來自己冇乜所謂，我發現自己比想像中容易接受負面嘅嘢，我接受能力非常高，你哋講得開心就繼續講，冇乜嘢所謂。（係咪你唔夠愛另一半？）唔係，只係我唔介意外界點睇。呢個係我同另一半之間嘅事，關大家乜嘢事呢？」

師父有請︱謝東閔與女友「出事」即刻搵邊個？ 撐朱智賢抵幫︰呢半年我哋好開心【下一頁】

至於問到最不想合作的藝人，Brian坦言自己會概括某一類對手，「佢哋會刻意畀說話我聽……」他形容：「拍某啲場面比較凝重同需要情緒輔助，佢拍完喇，佢好有信心……（男定女？）係女藝人。佢好鍾意走埋嚟問『東閔，你得唔得呀？準備好未？唔好NG喎』！」Brian講到呢度，嘉賓崔建邦、江美儀表示心目中有人選，崔建邦估「跳舞好叻嘅」，但江美儀就充滿信心糾對方「一定唔係」。

Brian續說：「總知佢就有啲說話畀你聽，『你點呀？得唔得呀？你唔係唔得呀嘛？』講真，培養情緒時，每個人狀態都唔同，每個人需要嘅時間，長短亦唔同；你得係你叻，但你唔好影響我啦！我唔想同呢類人合作，因為好影響我，知你叻喇！」江美儀追問邊齣劇，Brian即時語塞，只表示是時裝劇，合作的劇名有長有短，問到該女演員有是否視后？Brian說：「喺公司入面，基本上所有人都比我出名，印象中合作過一、兩套劇……唔止我，其實好多人都試過（類似情況），可能我道行未夠，等我再努力啲先夠資格同佢合作！我覺得佢太有信心喇！」總結幾個條件，江美儀又洞悉到是誰的話，最大嫌疑人似乎是《殺手》入面的龔嘉欣，她與Brian合作過《殺手》和《堅離地愛堅離地》兩齣劇。

同場加映：欺詐劇團│劉頌鵬執二攤演劇團傻更更新丁 曾遇人不淑靠送外賣還20萬債

{{hket:ul-video id="3370"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉