方紹聰回饋匡智會照顧智障胞姐 六日冒雨赤腳行籌款完成創舉

方紹聰（奶仔）為慈善機構籌款出心出力，上周一開始進行了維期6日5夜的《赤腳慈行香港一圈》，赤著腳圍繞港、九、新界步行一圈。連日來天氣惡劣，奶仔冒著多次黃雨警告都堅持行下去，昨日（26日）奶仔抵逹中環碼頭終點的一刻，父母及智障胞姊都有在現場見證著他這次慈善創舉、為他打氣。奶仔全身濕透分不出是汗是雨，雖則一臉疲憊，但見到家人和好友到場迎接，他在衝綫的一刻表現興奮，成功以6日5夜 (97小時01分45秒)，完成了194.45公里的路程。

{{hket:inline-image name="71.jpeg"}}{{/hket:inline-image}}

方紹聰在中環碼頭終點衝線一刻。(圖：受訪者提供)

{{hket:inline-image name="76.jpg"}}{{/hket:inline-image}}

奶仔的赤腳步行過程面對唔少困難，包括天氣、環境及身體狀況。（方紹聰IG圖)

食腦頻道｜奶仔趁520好日子向郭子豪示愛 激玩《大叔的愛》男男式咀嘴 【下一頁】

大會表示今次奶仔的赤腳步行創舉，將申請列入健力士世界紀錄大全，奶仔說事前不知大會有這安排：「係大會幫我申請，我事前唔知，應該香港冇人試過赤腳咁行，事前我冇諗係咪打入健力士，最重要係幫到慈善機構籌款，可以幫助到匡智會改善設備，同埋啲貧窮地區兒童買鞋，亦因為咁令我過程期間冇放棄到。」當知道首天赤腳步行已籌得200萬善款，奶仔感激各界善長的支持:「差唔多到終點時，有個伯伯同我講，話多謝我幫香港出力，所以，佢捐咗1萬蚊，令我好感動。」

能夠完成行程，奶仔分享感受：「第1日已經懷疑自己完唔完成到，到第2日條路更難行，對腳好痛，第3、4日因為工作人員、藝人朋友幫手宣傳呢件事，多咗好多人支持同鼓勵，令我一步一步咁行落去，其實同我十一年嘅演員生涯好相似，向男主角嘅路一步步前行，而家有自己嘅節目，我會繼續抱呢種精神做落去，亦希望感染到其他人去幫助別人。」

奶仔表示現最想做的事是食餐好及瞓個好覺：「瞓到自然醒啦，因為呢幾日平均瞓得2小時，最多都係4小時。」雖然對腳行到生滿水泡，奶仔卻不擔心：「教練每日都有幫我處理傷口，而家只要休息番多啲就冇問題。」

撰文：衛紫敏

同場加映：Mirror傳明年紅館開10場演唱會 Lokman同AK點樣答？

{{hket:ul-video id="3352"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

聲夢傳奇│Hugo與周柏豪合唱被網友估中出局 炎明熹靚聲有性格唱片公司爭簽 【下一頁】