《刑偵日記》必睇位｜惠英紅姜皓文《鐵探》班底鬥癲 王浩信人格分裂曬視帝級演技

無綫新劇《刑偵日記》今晚（28日）九點半於翡翠台首播，主角有《鐵探》班底惠英紅、姜皓文及袁偉豪這個黃金組合，更有王浩信、黃智雯、黎諾懿及王敏奕等演出，成齣劇雲集影視帝后，每個場口可謂戲味十足。再加上劇集大賣懸疑驚慄，惠英紅、姜皓文及王浩信的角色皆有精神病的設定，在鏡頭前鬥癲又鬥智，相信不會令劇迷失望。

{{hket:inline-image name="32.jpg"}}{{/hket:inline-image}}

{{hket:inline-image name="01.jpg"}}{{/hket:inline-image}}

劉嘉玲節目訪問｜惠英紅憶低潮期患抑鬱吞藥自殺 「每天都哭 嫌自己是垃圾」【下一頁】

《刑偵》中惠英紅、姜皓文及王浩信的角色，三大主角的性格上各有缺憾，分別患有不同的精神病。紅姐是嚴重精神分裂的病患者，黑哥則患有躁鬱症，王浩信是解離症病人，擁有多重人格。三人要演精神失常的人，可謂是對演技的一大挑戰，絕對是這劇的必睇位之一。

紅姐在戲中飾演浩信和戴祖儀的媽媽，她說：「呢個角色會有好多幻想症，好多時以為自己殺緊人，其實係殺緊自己，又成日覺得殺咗嘅人會出現……差唔多有七成都係呢啲戲，所以個人體力同精神上會好攰。我同浩信喺戲中係兩母子，早期我病發，成日有幻聽叫我殺咗一對仔女；浩信親眼望到我落老鼠藥灌佢飲，好彩最尾自己忍到、收手……呢件事更影響到佢有好多性格分裂咗出嚟。」

黑哥就飾演有「刑偵之父」之稱的警司聶山，今次跟《鐵探》老拍檔紅姐有不少對手戲，必定成為劇迷追捧場口，他說：「今次角色係工作狂，佢本身係有躁鬱症，所以戲中有好多情緒波動得好厲害嘅場口。成個戲畀我最大驚喜，就係陳煒做我老婆，但老婆失蹤咗，於是我放低所有嘢去馬來西亞搵老婆。中間就穿插咗同紅姐對手嘅戲份，表面睇上佢好似係陰謀緊聶山，兩個人互不信任，嗰種壓抑感覺，講番都有少少起雞皮！」

男主角王浩信劇中的角色患有人格分裂，擁有性格文靜的筆跡專家朱璣，及性格活躍的臥底葉勁峰的人格，「今次係演多重人格角色，多重人格即係好似有幾個靈魂喺一個人身體入面。點樣去將多重人格演得好睇，尤其係思想、動態，點樣畀到觀眾唔同感覺，就係特別之處。」

袁偉豪今次飾演一位心理醫生「韋睿傑」，是個較有心計的人，相對較為「正常」的他，似乎無機會戲鬥《鐵探》的老拍檔。不過，他跟紅姐仍有不少對手戲，還跟紅姐女兒戴祖儀有感情線，可是對方卻患有餘光恐懼症，不敢跟人對望，但袁偉豪卻在她身上搵到安全感。

{{hket:inline-image name="06282011.jpg"}}{{/hket:inline-image}}

{{hket:inline-image name="30.jpg"}}{{/hket:inline-image}}

《最美表演》｜佘詩曼素顔演失明攝影師獲讚 惠英紅內心戲喊死網民：揪心【下一頁】

《刑偵》今次以四大案件為主，劇迷亦要多多留神。總編劇劉小群和原創及總編劇朱鏡祺昨晚在電視向觀眾大解構，「血字裸屍案其實好多年前喺香港曾經發生過，死者背上面被人寫字，最後破案關鍵亦都係從筆跡分析。至於幽靈斷腳，其實係跨國、跨世紀，喺世界各地嘅海灘都搵到連住波鞋嘅小腿骨。唔知邊個做、唔知咩動機，而咁耐都未搵到真兇。我哋編劇用咗好多時間去研究資料，終於建構咗一個好離奇懸疑嘅案件，最特別將姜皓文同陳煒呢段夫妻感情戲扣咗落去。」

（↓點擊放大睇圖片↓）

《刑偵》首集故事是講患有人格分離的葉勁峰（王浩信飾），是個貪財好色的臥底，不但拖延上司江政勳（黎諾懿飾）的行動，又同時阻止社團老大尹彪（陳志健飾）犯案，希望收漁人之利。後來引來拆彈專家游雁星（黃智雯飾）調查，葉勁峰竟然對她一見傾心。另一方面，葉勁峰離家多年的母親楊碧芯（惠英紅飾），因思念女兒葉朗晴（戴祖儀飾）偷偷回港。

撰文：梁榮達

同場加映：欺詐劇團│劉頌鵬執二攤演劇團傻更更新丁 曾遇人不淑靠送外賣還20萬債

{{hket:ul-video id="3370"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】