大叔的愛｜黃德斌轉戲路演活「戀男」大叔 網民激讚：大台扼殺咗佢嘅演技

由黃德斌、Edan（呂爵安）及Anson Lo（盧瀚霆）擔正主演，改編自同名日劇的ViuTV新劇《大叔的愛》，昨晚（28日）萬眾期待之下首播，並跟無綫重頭作《刑偵日記》對撼。雖然未知兩劇的收視成績，黃德斌於《大叔》的啜核表現，成功俘虜不少觀眾的心，紛紛到ViuTV facebook內留言激讚他。

{{hket:inline-image name="06291026.jpg"}}{{/hket:inline-image}}

{{hket:inline-image name="06291008.jpg"}}{{/hket:inline-image}}

《大叔的愛》Anson Lo錫到唇腫 黃德斌演同性戀者發掘少女心【下一頁】

港版《大叔的愛》第一集可謂節奏明快又搞笑，快快交代主角田一雄（Edan飾）是個毫無女性緣及不懂照顧自己的男生，於是找來很會做家務的凌少牧（Anson Lo飾）做室友；同時發現已婚上司KK翟國強（黃德斌飾），竟然偷拍了自己不少照片……KK相約阿田，在摩天輪下表白，應承會跟太太袁慧珠（簡慕華飾）離婚，嚇到阿田口窒窒不懂拒絕，令KK誤以為對方會等他。

Edan第一次做男主角，拋下偶像歌手的包袱，臉上表情極豐富，將人物以漫畫化去演繹，帶給觀眾輕鬆又搞笑感覺，驚喜十足。至於「大叔」黃德斌向來是硬漢子，對上一齣劇集《太平紋身店》就是演社團人物「天爺」，可是今次來個180度轉變，是一名懷有少女心的地產公司分行經理，KK情迷男下屬阿田，幾場戲演得自然，投入又不太造作。

{{hket:inline-image name="06291025.jpg"}}{{/hket:inline-image}}

{{hket:inline-image name="06291017.jpg"}}{{/hket:inline-image}}

德斌連續幾場戲都做得好正，其中一場當碰到Edan的手時，就交代他其實一早暗戀對方，臉上流露出旖旎神情。之後Edan在巴士上不小心跌入他懷內，又做到很有戀愛的感覺，好享受心上人跟自己零距離貼近一刻。而因為被Edan發現他偷拍，於是相約對方到摩天輪下表白，黃德斌滿心歡喜手持紅玫瑰，大聲說：「田田，I Love You！」臉上充滿興奮和喜悅，捉住Edan的手，毫不猥瑣，之後一副少女心模樣飛吻講拜拜，完全沒有違和感！

黃德斌專一愛足14年 曾患抑鬱 低潮感恩老婆不離棄【下一頁】

黃德斌今次破格演出，不少觀眾睇完就到ViuTV facebook內留言大讚，「大叔最後小跑步真係好可愛，少女心噴發」、「好辛苦啊，成個腦都係田田I love u」、「頂……德斌大叔太勁啦……超正，好睇」、「平時黃德斌演型男我都只係心心眼，今次演萌爆大叔我睇到尖叫」、「睇完覺得德斌比（畀）大台扼殺咗演技」、「黃德斌真是超意外，他做得好正，睇到起雞皮，但又笑到死，其他人也好精彩，開始要追劇了」、「德斌既（嘅）表情做得好真摯」及「KK話會同老婆離婚嗰一下係眼濕濕㗎，有喜劇感之餘又有戲，黃德斌太正啦」等。

（↓點擊放大睇圖片↓）

觀眾同時有讚Edan，「本身擔心Edan浮誇得滯會over，但播出後覺得好好，同埋一見到德斌就想笑，反差萌正到呢」、「睇過原版，係原版忠粉，但今次翻拍完全唔遜色！（私心覺得正過日版）真係好正！所有人都演得好好」及「估唔到好睇過日版，德斌突破戲路，正就唔使講，Edan好搞笑，Stanley d（啲）戲做得最自然，都期待Anson Lo之後嘅戲，因為佢個角色好討好」。

跟Edan和Anson Lo同屬MIRROR的姜濤，亦有支持好兄弟的劇集，Cap電視圖片並上載IG，「真的是一部很棒的劇，不同於以往香港的拍攝手法，配樂演技和濾鏡真的給人很大驚喜。」Edan於《考有Feel》的拍檔阮小儀亦有捧場，「大叔的愛第一集。呢一幕笑死我！一個小小『的』起個籮小動作，就證明你真係要掉走偶包，行滑稽路線掂到爆！」王賢誌、關心妍亦於社交平台上發文支持《大叔的愛》。

（↓點擊放大睇圖片↓）

今晚（29日）第二集，阿田（Edan飾）的感情關口又被人闖入，當他在家中淋浴期間，室友阿牧（Anson Lo飾）突然闖入浴室向阿田表白，並強吻阿田！嚇得他六神無主。

此外，德斌今日接受《晴報》電話訪問，表示劇集首集反應佳屬全體演員功勞，而他過往較少拍這類瘋狂喜劇，所以也想試KK這個角色。至於演可愛大叔以何衝破心理關口？他說：「自己諗下點做，要衝破自己過往演戲嘅想法，以前無綫無開呢種咁瘋狂嘅劇，就算有都唔係我做，亦未試過呢種演繹方式。（對拍檔Edan及Anson Lo有何評價？）大家有眼睇，佢哋好啱演呢類角色，做到應有效果。（有睇日版作參考？）有，但係無刻意參考，始終日本文化、笑位同我哋唔同，我嘅外形同吉田鋼太郎都有分別。」

談到網民讚劇集節奏明快，德斌指日版僅得七集節奏更快，「我哋有15集，ViuTV買呢齣日劇版權，很多場景及劇情也跟足原著，亦加插了香港元素，嚟緊辦公室其他同事，劇中我老婆簡慕華都有好多發揮，大家繼續捧場。（會開拍續集？）未有消息，唔一定拍續集或喜劇，可以發掘下其他劇種。」

撰文：梁榮達

同場加映：欺詐劇團│劉頌鵬執二攤演劇團傻更更新丁 曾遇人不淑靠送外賣還20萬債

{{hket:ul-video id="3370"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】