無知媽媽｜小五女兒「見紅」港媽質疑曾發生關係 堅持到診所檢查【醫生拆解早熟成因】

現今小童越來越早熟，但最近一名港媽發現小五女兒「見紅」，便認定她曾與人發生性關係，嚴厲喝斥並帶女兒到診所檢查，甚至聲言：「你唔講我都會捉到佢㗎！」；然而經醫生檢查，證實女兒只是來月經。有醫生指出，女重一般在11至12歲開始來月經，有早熟的女童甚至提早至9至10歲，而有3大因素會誘發性早熟。

【新冠肺炎】貪方便樣本瓶亂交診所，港女被拒收拉低口罩報復，向姑娘呼「真氣」：下個中嘅係你，詳情即睇：【下一頁】

診所女助護「珍寶豬」本周一（28日）在Facebook專頁「診所低能奇觀」中發文分享，指早前一名港媽帶著穿著校服的女兒到診所求醫，形容對方怒氣沖沖走到登記處說：「嗌醫生同我Check（檢查）吓佢係咪做埋啲唔三唔四嘅嘢！」，事主聞言詢問要作哪項檢查，該港媽隨即表示：

「佢（女兒）嗰度見紅呀，仲可以Check啲咩呀？梗係睇吓佢係咪做咗嗰啲嘢啦！」

質疑女兒曾發生關係致「見紅」

該港媽再向女兒道：「你好講係同邊個做啦吓！你唔講我都會捉到佢㗎！」，女兒聞言多次否認，又批評母親不信任自己，港媽則表示：「點信你呀？你當我冇做過女仔呀？你阿媽我都係女仔嚟㗎！」。事主見兩母女爭持不下，便勸籲她先冷靜下來，並提醒她女兒可能是月經來潮；未料對方竟大聲怒喝指：「小學5年班月咩經呀？我未嚟過呀？」

女兒後來開始哭泣，並向母親說：「我都講咗我冇做過，點解你唔信我喎！」事主亦解釋指現時的小孩子普遍較早熟，小學生開始有月經並非出奇之事，但如她認為有需要做檢查，也可以為她登記，待醫生檢查後再作決定，港媽馬上同意：

「Check呀！Check真啲呀！我哋舊時邊有咁細個就嚟M㗎？實係佢做埋啲唔三唔四嘅嘢，我一定會擰甩你個頭㗎！」

醫生檢查證實女兒月經來潮

登記期間，女兒坐在旁邊哭泣，母親則繼續喝罵。最後經醫生檢查後，證實女兒只是月經來潮；兩母女見完醫生後，該港媽輕聲問：「既然冇咩嘢係咪唔使畀錢可以走啦？」，事主則表示需要收取診金，港媽卻指：「姑娘，可唔可以快啲呀，我喺度多一秒都覺得好難受呀」，事主聞言不禁為其女兒抱不平：「可能你個女仲難受」，對方只好「嘴藐藐」行開。

網民：有冇顧個女嘅感受？

不少網民看到帖文後，批評該母親在大庭廣眾冤枉女兒的行為不當，認為她未有顧及女兒感受；亦有人指責她欠常識，指女孩子11、12歲開始有月經是正常之事：

↓ 點 擊 圖 片 放 大 ↓

小學女生來月經是否正常？

據衞生署資料，女童一般在11至12歲時開始第一次月經。兒科專科洪之韻醫生接受《晴報》訪問時曾表示，如果女童在6、7歲開始發育，包括出現持續增高、乳房發育，並踏入青春期，月經或會提早到來，有機會9歲便有月經。

3個誘發性早熟因素

兒童內分泌科主任程昕然醫生表示，如果女童在8歲前出現乳房發育、10歲前出現月經初潮；男童在9歲以前出現睾丸增大，都是性早熟的早期表現。

誘發性早熟有3方面因素，當中包括：

↓ 點 擊 圖 片 放 大 ↓

同場加映：

在職媽媽｜疫下OT至凌晨12時犧牲親子時間 社工港媽感激家人作最強後盾

{{hket:ul-video id="3159"}}{{/hket:ul-video}}

藥物存放 | 拒將抗生素放雪櫃斥醫護「冇常識」，港媽︰冇可能畀我個女食凍嘢囉 | 附藥劑師拆解，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

文章獲Facebook專頁「診所低能奇觀」授權轉載

每朝索取《晴報》：精明生活．健康家庭．開心娛樂

編輯：蘇麗儀