【聲明】港生活網站並無進行電話推廣活動

與鄧智偉分手後準備再愛 高海寧︰有人追但撻唔着

發佈時間: 2021/06/30

高海寧(高Ling)昨日接受黎芷珊主持的無綫節目《單對單》訪問,去年六月承認與音樂才子鄧智偉分手的高Ling,一直不乏追求者,但她堅持寧缺莫濫,揚言正在等待一位令她心動的男生出現,隨時再墮愛河。採訪︰倪小珊美術︰梁政敏

高海寧透露在節目中跟黎芷珊大談感情觀,連工作人員都大讚她講得好,不過訪問內容暫時要保密,高Ling說︰「到時大家睇節目啦,觀眾會對我嘅感情觀更加了解。」高Ling與拍拖五年的鄧智偉分手後,目前仍是單身,問到身邊可有追求者?她笑說︰「追就實有嘅,但係要啱先得,我又唔係好知自己想點,因為我係好靠感覺嘅人,所以未撻着;我唔會為咗拍拖而拍拖,一個人都幾好呀,又唔使考慮人感受,可以學下同自己相處。」

接受姊弟戀

有傳鄧智偉在拍拖期間因偷食失婚少婦,令飽受情傷的高Ling提出分手,問她日後會否不懂愛人?她反問︰「點解呀?遇到啱嘅人自然識愛㗎喇,未遇到啫。」高Ling又公開擇偶條件,指另一半不限國籍,也不抗拒跟圈中人拍拖︰「搵圈外人嘅話,驚佢唔明我嘅工作,不過搵圈內人又要考慮更加多嘢。(有圈中人追你?)無喎!(介意姊弟戀?)思想夠成熟,年齡就唔係問題。」

另外,高Ling早前一個人到三亞背包旅行,享受五天慢活人生,她興奮表示︰「我仲學咗衝浪,一個人旅行係一件好有勇氣嘅事,我一直想做,但無呢個勇氣同時機,依家做咗係一個極之好嘅決定,我喺呢個旅程學識同體會到好多嘢。」

與鄧智偉分手後準備再愛 高海寧︰有人追但撻唔着

高Ling早前隻身到三亞旅行,拍下不少靚相。(資料圖片)