早前傳出林秀怡遭無綫雪藏，去年她參與的幕前工作，劇集方面只得《機場特警》，主持工作則有資訊節目《我要做業主》。至於今年則有剛播完的《欺詐劇團》及《日日媽媽聲》，仍未播出的作品就剩下和陳展鵬合演的《唐人街》；雖然不至於零工作，但數目之少仍少不免令喜歡她的觀眾擔心，究竟何時再會看到她在熒幕上的演出？
欺詐劇團｜何朗晴哽咽安慰媽咪林秀怡勁好戲 10歲童星年紀輕輕演出經驗豐富【下一頁】
對於雪藏傳言，林秀怡話：「嗰排真係好得閒！咁啱冇劇想用我，又可能嗰排肥咗，都無辦法，呢啲都要等公司安排，變咗你畀乜嘢我就拍乜嘢。我只係等角色啫，同埋用心做好每一個角色；你冇嘢畀我做嘅時候，我就自己做吓其他嘢，咁啱又搞美容院、餐廳等等，做吓其他嘢增值自己。（停咗一排再開工慣唔慣？）都停咗成年無拍劇，啱啱拍番《欺詐劇團》時超級唔慣！頭一個禮拜好多嘢唔敢去做、去問……因為唔記得咗嗰種感覺，唔記得咗做完場戲要同導演講『我想咁樣做』或者『你覺得點樣』，應該要溝通嘅，但我完全唔記得呢啲步驟，然後好驚啲導演會點睇我？應唔應該去煩導演？所以頭一個禮拜係完全發緊夢！好嬲自己點解嘥咗一個禮拜去發夢，起碼兩個禮拜先融入到團隊，好彩後來熟習某啲機位（攝影機），啲記憶出番嚟就run番熟個人，叫做可以順利拍攝。」
林秀怡在《欺詐劇團》跟阿旦（鄭丹瑞）合作獲益不淺，她興奮表示：「真係第一次同旦哥合作，學到好多嘢！就算到而家佢都好好人，同我哋上戲劇堂，有我啦，加埋劉頌鵬、張秀文、Roxanne（何沛珈）同何依婷五個人，一齊上戲劇堂，佢唔收我哋錢，仲主動約我哋時間（上堂）；旦哥教咗我哋好多，一啲訓練班學唔到嘅嘢、實戰上未識嘅嘢，又教我哋點樣分析劇本，點樣認清一個角色等等。」
《愛回家》劇情狂插入政府資訊觀眾吃不消 連林秀怡客串角色都叫「易苗」【下一頁】
《欺詐劇團》內跟10歲童星何朗晴（Heyley）飾演兩母女，其中一場離別喊戲（女兒要移民），觀眾為之動容。眾所周知拍劇怕遇到小朋友、動物為對手，林秀怡說：「今次同小朋友好夾，因為佢好叻、好可愛又好聰明，唔會周圍跑跳，唔會整爛晒啲嘢。佢拍戲好專業，真係背晒所有對白先嚟片場，唔使你現場教，唔使逐句逐句（對白）嚟教，可以成場戲一氣呵成同我做落去。講佢離開（移民）嗰場戲我真係忍唔住，導演話唔使喊出嚟，（咁傷感點解唔喊得？）因為要我喺心入面痛出嚟，同埋劇中我喺囡囡面前係好堅強，唔係一啲好溫柔或者成日𠱁人嘅媽咪，點會喺佢面前喊？結果拍呢場戲，喊咗嗰啲就用唔着，要抹走晒（眼淚）再嚟過！（拍咗幾多take？）2、3個左右，始終都係感情戲！」
（↓點擊圖片放大↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="788dc87e-46d4-4911-a758-bd9db433e8a3.jpg"}}{{/hket:inline-image}}
- {{hket:inline-image name="kirbysau_204941111_327218838886914_5769252316282831592_n.jpg"}}{{/hket:inline-image}}
- {{hket:inline-image name="55c556c8-3535-4531-a128-8b4cc26fefbc.jpg"}}{{/hket:inline-image}}
- {{hket:inline-image name="53a650fb-fb50-4b9d-a7c0-09fbdd3bb398.jpg"}}{{/hket:inline-image}}
- {{hket:inline-image name="135704169_383621439601084_2881393932245334755_n.jpg"}}{{/hket:inline-image}}
- {{hket:inline-image name="kirbysau_183119990_367404931374333_2036385380463955870_n.jpg"}}{{/hket:inline-image}}
- {{hket:inline-image name="kirbysau_164124057_118038510307447_8358107739852704758_n.jpg"}}{{/hket:inline-image}}
- {{hket:inline-image name="150009409_448701519815894_250784350470525765_n.jpg"}}{{/hket:inline-image}}
- {{hket:inline-image name="158814844_1580895482109765_5439915060063984663_n.jpg"}}{{/hket:inline-image}}
《欺詐劇團》變相成為今年唯一作品？「會，驚係我遺作！touch wood，哈哈哈！我驚嘅，但今年真係唯一一套劇。（未來主力做生意還是幕前？）生意方面攞嚟backup我嘅幕前工作，到而家入行都13年，但係對演戲嗰團火真係未熄，希望任何電視劇、電影幕前合作都可以搵我，因為唔排除更加多可能性機會，（或者結婚沖一沖喜？）其實諗咗好耐，想35歲前結婚，我下個月就30歲，仲有5年時間，婚要結嘅，想疫情過咗先結婚，因為擺酒唔靚（限聚令關係）。」
撰文：梁榮達
攝影：何家賢
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】