調教你MIRROR｜花姐跟鏡仔關係曾變差擔心反面 姜濤：以前的確畀咗佢好多麻煩

ViuTV節目《調教你MIRROR》昨晚（6月30日）唔單止調教鏡仔，導師梁祖堯（阿祖）更出手調教經理人花姐（黃慧君），並拆解雙方存在的問題。花姐向阿祖講出身為經理人的難處及犧牲，又自爆跟鏡仔的關係試過勁差，擔心會唔會搞到反面；鏡仔透過錄像睇到花姐的真情剖白後，明白他們帶給對方很多煩惱，結果成功修補眾人心中裂痕，令關係得以大大改善。

{{hket:inline-image name="07011001.jpg"}}{{/hket:inline-image}}

{{hket:inline-image name="07011014.jpg"}}{{/hket:inline-image}}

調教你MIRROR｜姜濤單飛勁接Job難面對隊友 隊長Lokman呻鏡仔難湊常做醜人【下一頁】

阿祖過往在車廂內問花姐想如何調教鏡仔，今集竟然來個大轉變，似乎想去調教花姐，追問她為MIRROR作出過甚麼犧牲？花姐說：「犧牲最大係屋企人，基本上一起身個腦就做嘢，覆Message覆到臨瞓之前，跟住第二日8點鐘老細又Message。因為人手唔夠，我要不停跟佢哋所有Job。大家都問點解我成日跟晒啲Job，第一係人手唔夠，第二係我鍾意攬上身嘅人。我諗係陪屋企人時間犧牲得好大，令到我老公有好不滿過；喺度諗犧牲好多嘢去做仲辛苦，咁不如唔好諗話犧牲咗啲乜嘢，不如去諗而家成就緊16個人（MIRROR及ERROR），咁樣諗可能工作上會舒服啲。」

花姐坦言正學習慢慢放手及物色專業人士回來，希望處理MIRROR的事情會更好，「由細到大都唔係做過經理人，做經理人之前係做Production，我都唔係好識得點放低工作嘅人。再加上做經理人好困身，因同佢哋唔止係工作上，感情培養都係工作一部分，好難話放低就放低。我成日有個心態，係我叫佢哋16個入行，覺得我有一啲嘢做得唔好，有一樣嘢放輕咗唔理而令件事出嚟唔好，我係有個好大責任。我係叫Anson Lo參加比賽嗰個人，Jer、Alton本來話唔簽約，我係咁說服佢哋簽約，若果我行差踏錯令佢哋條路唔好，咁我好大責任，原來我係影響佢一生嘅人。所以我覺得唔可以太輕易放手，我試過好執著佢哋著衫同形象，令我身邊工作嘅人好大壓力，跟住一個一個咁離開。」

{{hket:inline-image name="07011003.jpg"}}{{/hket:inline-image}}

{{hket:inline-image name="07011010.jpg"}}{{/hket:inline-image}}

花姐直認做經理人後身邊愈來愈少朋友，原因工作時間長，較少同朋友聚會外，朋友不明白她的工作，「可能一出嚟就問我MIRROR點㗎？好多時我唔出聲，好怕就避開佢哋，有啲就認為我變咗，唔係以前認識嘅花姐，係佢哋遠離我，種種原因令我少咗朋友。（覺得你有冇變到？）我有變到，有啲人覺得我做咗經理人就囂，但我憑乜嘢囂？我覺得外界誤會咗我，以為我係咁。我呢半年內跟MIRROR關係的確起起跌跌，大家覺得我哋好似母子，但我哋試過唔好得好緊要，嗰時擔心係咪咁快去到呢一步，我哋要反面呀？我都唔想有一刻話畀自己聽，我要放棄佢哋。」

調教你MIRROR│Lokman唔享受做隊長爆喊呻迷失 網民投訴剪接零碎：天一半地一半【下一頁】

鏡仔透過手提電腦睇花姐的真情剖白，各人神情嚴肅，可謂各有感受。姜濤說：「我哋每一個人都有責任，係因為我哋佢先咁，我哋12個人，無論我哋點樣，都有12個麻煩，有12個人各自要求。佢為咗我哋逼不得已去改變，我哋以前真係無太意識到呢個問題，我哋以前的確畀咗好多麻煩佢，覺得今次經個呢個Camp後，大家唔係淨係講，會做到畀佢睇。」Anson Lo指花姐可能工作上不能公平對每個人，但是真心感到對方是好錫每一個隊員。

（↓點擊圖片放大↓）

Tiger爆花姐拋頭露臉出去拍廣告，完全是為了MIRROR。Edan在旁補充說：「佢拍廣告（賺）啲錢係畀我哋（拍）MV，佢啲Job嘅錢都係幫我哋，佢真係好愛我哋。我相信花姐嚟緊會少好多煩惱，因為我哋關係都係佢煩惱之一，坦白講佢都唔係好識處理，但經過呢次事件，相信佢一定少咗呢方面煩惱。」

AK話：「花姐真係當我哋12個係仔咁錫，係我眼中係阿媽咁；睇完片之後更加需要知道，我哋更加要保護番花姐，我哋出席每個活動，一定有人讚花姐，一定有人鬧花姐，花姐每日承受緊呢啲謾罵，好多唔同嘅聲音，所以我哋12個大個仔，真係要保護番自己媽咪，大家有咁嘅心，相信同花姐關係唔會差。」

撰文：梁榮達

同場加映：欺詐劇團│劉頌鵬執二攤演劇團傻更更新丁 曾遇人不淑靠送外賣還20萬債

{{hket:ul-video id="3370"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】