陳偉霆寵媽媽如女友粉絲愛屋及烏 3個原因內地爆紅港人大惑不解

陳偉霆當年喺香港參加新秀歌唱大賽出道，載浮載沉多年，一直都紅唔起。不過早幾年佢毅然轉戰內地，呯一聲紅到發紫。喺香港咁多年都未被重視嘅佢去到內地竟然會有咁大反差，唔少香港人都大惑不解！

{{hket:inline-image name="001RTLVPgy1grvjgjjiisj618h1uob2902.jpg"}}{{/hket:inline-image}}

第一個原因就係唔少內地嘅「迷妹」都覺得佢外形俊朗，而且笑起上嚟好可愛，但就練得一身肌肉，反差萌迷死人！唔少都覺得佢好有星味，而且佢嘅外形嚟講喺內地的確唔多見！

第二個原因就係因為佢嘅人品，陳偉霆出晒名係孝順仔，除了購入豪宅同媽媽居住，最重要係百忙中仍花唔少時間陪伴媽媽，當正阿媽係女朋友仔！而且仲對粉絲好親切，早前佢同媽媽去到內地一間酒店，有粉絲愛屋及烏送禮物畀陳媽媽，陳偉霆都即刻停低簽名回饋粉絲，非常窩心。

佢仲非常念舊不忘本，英皇高層霍汶希（Mani）當年力捧佢做跳唱歌手，Mani亦指揀中佢嘅原因係佢好聰明，心中有圑火，Mani記得當時自己尚未返內地發展，故將和內地一間電視劇製作公司合作力捧William，結果其成績有目共睹。雖然今時唔同往日，但佢都冇恃紅生驕，好念舊，Mani話好多內地公司都好奇怪，點解佢哋啲藝人係唔會離開英皇！ 

第三個原因，都係最重要原因，其實陳偉霆早期上內地節目自己都有分析過:「我發現另外一個世界，在音樂方面是World wide，反而就是香港人還以為自己很牛，就是以為自己唱了很多東西，全部錯了。反而我到內地，覺得內地的市場比香港開放多了，就是（香港）接受能力特別差。」其實淨係《野狼Disco》喺內地「很火」，大家都知係個文化差異問題，同埋品味唔同，明晒！