獲老公讚配音出色 陳自瑤唔抗拒夫妻檔合作

陳自瑤（YoYo）在無綫配音節目《好聲好戲》中表現出色，更獲汪明荃（阿姐）賞識，點名YoYo登上「女一」之位；日前YoYo老公王浩信亦罕有開腔力撑太太，大讚她的配音技巧超越自己。對於網民希望兩夫婦能夠同劇演出，YoYo昨日出席活動時表示自己「好聽話」，一切聽從公司安排。

堪輿學家李居明監製的電影《大運同行》昨日於新光戲院舉行首映禮，有份參與拍攝的陳自瑤現身支持，YoYo表示師傅今年有向她提點催運方法，「師傅叫我喺屋企放個錢箱同一盞紅色燈，有助自己嘅事業運。」李居明笑言︰「佢喺《好聲好戲》就紅到發紫，多謝佢之前收咁平，依家請唔起啦。」不過YoYo否認趁機加價，並指這是第三次與李居明合作拍電影，自己會珍惜每一個機會。

獲汪明荃加持後，「女一」的機會隨即來臨，YoYo直言未正式收到公司通知，但獲得賞識非常開心，又希望有機會可以請阿姐吃飯。

對於老公王浩信早前公開向YoYo道賀，YoYo謙稱︰「過獎喇！佢無玩呢個節目（《好聲好戲》）啫，佢係兩屆視帝，我都有向佢請教演技。」提到有網民熱捧YoYo成為視后，她非常感激網民的支持，「但呢啲機會唔係我呢啲small potato話事㗎嘛，一切等公司安排啦。（如果夫妻檔合作呢？）都係等安排啦，我好聽話嘅。」

張寶兒唔敢問婚姻

另外，同場的張寶兒最近拍攝以金融為題材的新劇，問到寶兒在投資方面可有心得？她透露本身有投資股票、債券基金及「磚頭」（買樓），目前她和老公袁偉豪（Ben）居於西貢豪宅，寶兒希望將來有機會可以再投資物業。

寶兒又讚李師傅厲害︰「例如講中我幾時結婚，又話我第一套劇係拎槍，結果真係做《鐵探》。」不過寶兒笑言有時批算太準會不敢問，她指︰「我結婚之前都一直無問師傅呢個老公係咪啱自己，始終都拍咗拖一段時間，既然都結婚就唔再問喇。」至於何時生BB？寶兒指師傅曾批算她明年或後年有機會懷孕，自己則抱着順其自然的心態。

採訪︰Pauline

攝影︰林良明

美術︰梁政敏