行緊10年大運 傅嘉莉首當女一

傅嘉莉（Kelly）昨日性感現身李居明師傅監製的電影首映禮，Kelly透露自己近日向師傅請教家居風水陣，催旺事業，「師傅話我上年比較辛苦，今年就睇好我，啱啱拍完套新劇《凶宅清潔師》，首次做女一；喺《刑偵日記》又有好多福氣，同王浩信、黎諾懿、楊潮凱等五大男神有親熱戲，雖然戲份未必好多，但我都會扭盡情緒去演。」

問到師傅可有批算Kelly會走紅多少年？她指︰「其實師傅批我行緊十年大運，大運喺三年前已經開始，咁近年我嘅事業發展都算幾滿意，希望可以一直好落去。」