《聲夢傳奇》七強戰｜蓮姐2分輸畀Aeren爆喊問點解 炎明熹被評魂魄唔齊照樣晉級

《聲夢傳奇》昨晚（3日）上演七強戰，賽果令人大跌眼鏡，蓮姐（林君蓮）唱《如果沒有你》失準，只得7盞燈成績，進入「危險區」時忍不住爆喊問：「點解呀？點解會咁呀？」可惜比賽只有一次機會，當緊接她上台的Aeren（文凱婷）又唱又跳《Bad Boy》，稍微多她2盞燈，共有9盞燈，蓮姐即時顯露極為失望表情，知道自己無可能走出「危險區」；最終她成為這晚最低分一個，被淘汰出局，七強止步。

{{hket:inline-image name="07041005.jpg"}}{{/hket:inline-image}}

{{hket:inline-image name="07041008.jpg"}}{{/hket:inline-image}}

聲夢傳奇｜Chantel贏在起跑線富爸爸被起底 53歲高學歷型英帥任首席財務官【下一頁】

《聲夢》昨晚出場序及成績是Archie（冼靖峰）《昨遲人》（18盞燈）、蓮姐《如果沒有你》（7盞燈）、Aeren《Bad Boy》（9盞燈）、Chantel（姚焯菲）《我這樣愛你》（23盞燈）、炎明熹《吻別》（18盞燈）、Yumi（鍾柔美）《狂野之城》（20盞燈）及Rock（何晉樂）《我不會唱歌》（24盞燈），明顯見到蓮姐完全無翻身機會，就連不被睇好的Aeren也稍微高分，她心中亦早已打定輸數。當中評判之一的李志剛就話：「一開始覺得你好似唱得好好，後面應該好多發揮，應該OK，所以我好快就撳咗燈；不過後面你『撻Q』，睇番今日通勝係『破音日』，但係我覺得你係唱到，只不過啱啱呢個表演『撻Q』，繼續努力呀！」

至於包尾第二的Aeren，賽前獲李克勤提議舞蹈方面要性感些才可吸引評判，「因為我真係研究過你喺呢個節目乜嘢人會鍾意你？同埋鍾意你乜嘢表演？真係好多男仔或男人、比較成熟嘅人，係鍾意呢種帶少少性感嘅感覺；環顧呢個騷入面，除咗你就冇人啱做，你做到就有機會留低。」Aeren成功做到，唱贏蓮姐，李克勤說：「Aeren好清楚自己唔係齋唱可以攞到20盞燈嘅，今晚（表演）熱鬧係有，氣氛係有，節奏係有，性感係有，但係唔夠！」

{{hket:inline-image name="07041025.jpg"}}{{/hket:inline-image}}

{{hket:inline-image name="07041024.jpg"}}{{/hket:inline-image}}

賽後，一向被網友抨擊的Aeren再次成為焦點，「Aeren又符碌過關！嗰首《Bad boy》唱到冇神冇氣，衰過唱K果D（啲）」、「可以留到宜（而）家，已經係一個奇蹟，四個字『越唱越差』」、「蓮姐真係唔好彩遇著嗰一個成日嗌歌失聲嘅所謂導師。真係無理由早過文小姐出局，啲評判又講到有弦外之音咁」及「雖然唔喜歡蓮姐，但文小姐應該唔會好過佢」。

{{hket:inline-image name="07041020.jpg"}}{{/hket:inline-image}}

{{hket:inline-image name="07041021.jpg"}}{{/hket:inline-image}}

聲夢傳奇│JW教Chantel唱歌令家長心心眼 張頴康麥雅緻公開求教愛女小豆【下一頁】

蓮姐亦在IG發文講感受：「這段時間好像有好多個爸爸，好多個媽媽……其實我覺得自己可能還沒適合去比賽，這一切也是時機和緣分，雖然現在覺得可惜，但是我相信日後一定會有機會的，無論是準備了但告吹的合作舞台，還是想表現的但沒有機會表現的東西。希望大家之後會看到全新的蓮姐，無論是慢歌、跳唱、Rap、自創曲、彈琴也好，希望我可以告訴大家我是誰。從一開始參加比賽到現在的十個月，發現迷失自己是很容易出現的，所以可能上天應該也覺得我要休息一下吧……Making mistakes are part of your practice，雖然出到黎（嚟）炒左（咗）車，但係都算係練習左（咗）一次啦。現在開始我會努力練習我的聲音，用時間去了解自己的身體，練習穩定性，謝謝大家。」

（↓點擊圖片放大↓）

此外，人氣十足的炎明熹（Gigi）賽前練習過度，加上太過疲倦，令聲帶出現問題，李克勤見狀即提議降低半度唱《吻別》，雖然她正式表演時唱錯歌詞兼失準，仍獲18盞燈成績過關。李克勤忍不住訓話：「第一次見到一個魂魄唔齊嘅Gigi，個個都會有機會唔記得歌詞，但唯一呢隻歌大家都好熟悉，所以大家都醒晒（因為唱錯歌詞）！一定要檢討點解發生，唔好再犯！」身為Gigi導師JW卻幫口：「其實Gigi而家考緊試，一路考緊試去背啲嘢，再參加呢個比賽，其實係一件好癲嘅事，仲要佢把聲出現咗問題，所以……繼續加油！」

撰文：梁榮達

同場加映：入行13年｜林秀怡跟阿旦學戲增值等好角色 成年無拍過劇：嗰排真係好得閒

{{hket:ul-video id="3442"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】