打本千萬古巨基助老婆開網台

古巨基出名是「愛妻號」，早前有報道指，他打本八位數字予太太Lorraine開設YouTube頻道「ChillGOOD TV」，又成立經理人公司，簽下了孫慧雪、張美妮、關心妍等藝人，早前離巢無綫的楊詩敏（蝦頭）亦已轉投旗下。Lorraine日前被問到是否老公打本開網台，她笑言兩夫婦的財政不必分得如此清楚。她又指受疫情影響，藝人需要在網上尋求發展，才構思這個計劃。

另外，ERROR隊長肥仔（梁業）日前出席平台的音樂節目《Music Panda》，他笑言當初是為了100萬獎金才參加《全民造星》，並說︰「覺得一定有人鍾意得得意意嘅肥仔，未必人人都鍾意姜濤嗰款。」問到ERROR四子可曾有不和？肥仔坦言︰「有，點會未嘈過，都係錢作怪啦…其實係數字作怪，保錡同193（郭嘉駿）好緊張數字，數字行先，睇到個views低，就會覺得浪費時間，努力做完無人睇，其實都係顯示我哋好認真一面。」