【聲明】港生活網站並無進行電話推廣活動

太古城中心互動藝術 激發正能量「快樂識放」

發佈時間: 2021/07/05

過去一年,疫情加上生活壓力,大家都辛苦了,黛安聽公關姊妹講,太古城中心今個星期五(9日)起至8月29日,將舉辦以「LIVE HAPPY」延伸嘅「快樂識放」活動,喺商場設置大型藝術裝置,激發大家嘅快樂能量!

公關姊妹話,藝術裝置用咗色彩斑斕嘅顏色,提醒大家放低煩惱,見字放鬆。商場亦特別邀請咗StoryTeller,連同本地插畫師創作「快樂畫格」,繪畫4款等你睇完會心微笑嘅笑臉插畫,透過AR技術結合現場真實全景和插畫動畫,一次過體驗唔同嘅快樂;場內仲有多個大型互動區域,包括「LIVE HAPPY快樂識放」、「快樂旋風」、「快樂狂想曲」、「快樂Chill放ZONE」。

另外,推廣期內只要喺商場以電子貨幣消費滿指定金額,成功登記做LIVE+會員或出示LIVE+會員證,就可以參加「快樂購物賞」,換領多項快樂戰利品;下個月仲會舉辦多項精采活動,例如「快樂工作坊」、愛笑瑜伽等等。今個暑假一齊去發掘快樂啦!

撰文: 黛安 消息特靈八卦公關
欄名: 八卦名利場