28位候選港姐首度亮相 關楓馨陳聖瑜成頂頭大熱

《2021香港小姐競選》28位入圍佳麗昨日首度會晤新聞界，今年未有海外佳麗入圍，被視為大熱門的「翻版方媛」陳聖瑜（Yvette）及「翻版楊采妮」梁凱晴（Carina）信心十足兼狀態大勇；至於備受矚目的「星二代」關楓馨（Fabienne）同樣被睇好，她透露為趕「選美尾班車」而參選，目前會努力修身，爸爸關禮傑亦全力支持她。

《2021香港小姐競選》將分別於下月22日及9月5日舉行準決賽及決賽，現年26歲、碩士畢業的關楓馨被視為大熱，Fabienne直言今年參選是為了趕上「選美尾班車」，她更辭去英文老師的工作，並坦言希望入行︰「參選想攞多啲經驗、學多啲嘢，同埋覺得依家比之前成熟，參選亦已經係最後機會。」對於因爸爸是關禮傑而成為傳媒焦點，問Fabienne可有壓力？她說︰「無壓力，亦都唔緊張，都係做番自己。（你參選爸爸會唔會有壓力？）無，佢都係做番爸爸嘅角色，支持個女，佢叫我做番自己，努力training。（自己有咩準備？）Keep fit，成身都要keep，希望保持好好嘅狀態。」

大隻馬嘉希唔覺輸蝕

另外，問到兩大熱門陳聖瑜和梁凱晴如何備戰？Yvette表示會勤做運動，雖然她經常在社交平台上分享水着照片，但認為與港姐的泳衣環節會有不同，故需要多加準備，「會盡量食少啲，肚仔睇落會更好睇！」而為了參選辭掉市場推廣工作的Carina，亦表示會積極減肥、學習行catwalk及練習多點笑容。

至於被視為冷門的馬嘉希（Nicole）身形比較健碩，問到Nicole會否覺得較輸蝕？她表示︰「我覺得唔需要最瘦，只要我覺得健康就可以。（唔使減肥？）都會做運動、食清淡啲，但唔會瘦到睇起嚟唔健康。」而梁菁琳（Katerina）外貌不算突出，同樣被看低一綫，被問參選後可有計劃在幕前發展？她說︰「要睇下觀眾係咪鍾意我。」

採訪︰Pauline

攝影︰林良明

美術︰梁政敏