《Think Big》︳朱凱婷天生愛說話注定做MC 愛孖9歲囡囡著母女裝感覺開心

朱凱婷（Heidi）擔任《Think Big天地》嘉賓，自小就很愛說話的她，小時候想過當接線生，中學時志願做律師，去到大學選讀市場學，1999年畢業於香港中文大學，「都係接觸好多人嘅職業。」為何選擇在娛樂圈發展？原來和不少女孩的想法一樣，「真係細細個就想參加港姐，到大學畢業出嚟工作咗年幾，有個朋友拎咗一張港姐參賽表格畀我，我見填嘅嘢好簡單，比起任何一張應徵嘅表格都易填，就填啦！都唔知結果係點嘅。」

{{hket:inline-image name="14.jpg"}}{{/hket:inline-image}}

朱凱婷在節目中分享做母親的心得。（電視截圖）

{{hket:inline-image name="26.jpg"}}{{/hket:inline-image}}

朱凱婷早前和老公及囡囡到主題公園一日遊。（朱凱婷IG圖）

《Think Big》黐身老竇︳吳家樂跟實三子女喜好搵話題 女要錫仔要嚴教：流血都唔准喊 【下一頁】

結果2001年度港姐冠軍由楊思琦奪得，朱凱婷獲季軍，後者專注司儀工作鮮有拍劇，她覺得正好發揮自己愛說話的性格，「記得入行後有個監製同我講，『你個樣好MC喎』，佢真係睇得好準！我真係覺得做司儀好啱我，自己好鍾意。」朱凱婷的女兒Sheryl已經9歲，經常糖黐豆以「母女裝」出動，「我超級鍾意咁着，好彩，好多童裝大碼我仲着到！」她曾擔心囡囡不喜歡，「佢4、5歲知性時，我有問佢想唔想同媽咪着同一款衫，佢話『想』，到而家我都有問佢，佢都話『想』，但我知終有一日佢會答『唔想』，所以趁而家着多啲啦！」

除了母女裝外，朱凱婷亦跟囡囡一齊上興趣班，如學豎琴、練瑜伽和騎馬等，她希望自己成為女兒榜樣，「如果佢話唔練住，我可以話一齊練咗先，練完一齊玩，一齊休息；如果自己學識咗，都知阿女有冇彈錯，或者佢彈得好，我都識讚佢嘛！兩母女就可以享受呢種樂趣。」她續稱︰「我會畀佢自己決定（是否加加入娛樂圈），唯一一定要完成學業先，做咗作為學生嘅責任先。」她補充，在教育的過程中，子女總會挑戰父母底線，「點都好，事後我都會攬番佢，講句I love you，畀佢知父母開心、唔開心都好，都係最愛佢哋。」

撰文：衛紫敏

同場加映：【娛樂直擊】姜濤阿Jer勸粉絲夫妻和睦 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

終極美魔女｜72歲婚紗女王生日大曬螞蟻腰 林青霞半年減26磅優雅地老去 【下一頁】