牛油蛋撻冇咁滑｜3歲Lucy孖AK拍廣告講流利對白 李璨琛囡囡賣萌廣告接到手軟

李璨琛囡囡李元元（Lucy）眨吓眼就已經3歲喇！Lucy嘅IG唔經唔覺已經累積到有近30萬粉絲，好多個「哎呀」阿媽睇住佢成長，由爬到未識爬，到而家伶牙俐齒，唔少「媽媽」都對「阿女」咁精叻感到老懷安慰！除咗健康快樂咁成長之外，Lucy仲係「一家之主」，年紀細細已經開始拍廣告賺錢。湊呢個女，真係超抵呀！

{{hket:inline-image name="8.jpg"}}{{/hket:inline-image}}

Lucy憑住佢嘅天生麗質同才華，接廣告接到手軟。日前佢就有一個新廣告面世，更夥拍人氣男團MIRROR成員江𤒹生（Anson Kong，AK），合作拍攝護膚品牌廣告。廣告中二人同穿「校服」上陣，互用放大鏡近望對方；二人仲喺廣告嘅最後「battle」跳舞，一拍即合。Lucy「親身」留言：「有一天，Dr. Lu和handsome的 Anson Kong上學去，一起上 #淡斑科學堂，學吓用微分子淡斑。雖然我人仔細細，但我冇怕醜㗎，係AK哥哥見到我就怕晒醜咁囉，我諗係因為我實在係太靚同跳舞太勁啦！」

AK哥哥雖然大Lucy一截，但IG followers都唔夠佢多；而AK喺廣告入面已經靚仔到發光，不過都係不及Lucy搶fo。Lucy表情多多，一時派心心；一時搲頭，仲舉手答問題，流利讀出幾句對白，唔少網上「阿媽」都表示好感動，留言讚「阿女」叻叻又可愛！又話見到Lucy白滑嘅bb肌真係好有衝動買呢個護膚品，又指好羨慕AK，但同時又好羨慕Lucy，真係兩個星都咁愛呀！

同場加映：【娛樂直擊】姜濤阿Jer勸粉絲夫妻和陸 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】